«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach
Užo hod ciahniecca «małočnaja sprava», u jakoj centralnymi fihurami zrabili eks-ministra sielskaj haspadarki Ihara Bryło i sponsara pieršaj prezidenckaj kampanii Łukašenki Hienadzia Skitava. Śledstva ciahniecca anamalna doŭha. Krynicy kažuć, što zaminka ŭ Skitavie, jaki kateharyčna admaŭlaje vinu, tady jak Bryło pryznaje ŭsio.
«Kolki maich znajomych sadžali pa jakich zaŭhodna pryčynach, ale nichto jašče tak siabie nie zakapvaŭ. [Bryło] biespardonna hruzić siabie i inšych», — skazaŭ «Našaj Nivie» surazmoŭca z Barysava, jakomu ŭ ahulnych rysach viadomy chod rasśledavańnia.
«Małočnaja sprava» pieradusim uźnikła vakoł dziejačaŭ z Barysava — Ihara Bryło, jaki na momant zatrymańnia byŭ pamočnikam Łukašenki pa Viciebskaj vobłaści, i Hienadzia Skitava, jaki ŭznačalvaŭ mahiloŭskuju «Babuškinu krynku».
U maładości Skitaŭ jeździŭ na błatnoj piedali, ale źmianiŭ žyćciovuju trajektoryju paśla taho, jak blizki siabar jahonaha baćki — Mikałaj Damaškievič, — staŭ centralnaj fihuraj u štabie Łukašenki na vybarach-1994.
Pa viersii, jakuju ŭ vuzkich kołach raspaŭsiudžvaŭ sam Skitaŭ, jany z bratam padtrymali hrašyma kampaniju maładoha kandydata.
Tak jano było ci nie, dakładna nieviadoma, ale fakt u tym, što Hienadzia Skitava z bratam vyniesła z atačeńnia kryminalnaha aŭtaryteta «Zajca» ŭ Kiraŭnictva spravami Łukašenki.
A Ihar Bryło, kali pracavaŭ vieterynaram, byŭ padnačalenym Skitava.
Jak śćviardžajuć našy surazmoŭcy, staryja znajomyja, trapiŭšy ŭ składanyja žyćciovyja abstaviny, pavodziać siabie pa-roznamu.
Maŭlaŭ, Bryło aktyŭna daje pakazańni — i na siabie, i na inšych. Nastupstvam stała toje, što «narod jeździć na dopyty, kab vysłuchać i dezavujavać to adnu historyju, to inšuju». Pa acency surazmoŭcaŭ, takoje adbyvajecca nie tolki ŭ Barysavie, ale i ŭ inšych rajonach.
«Mnie zdajecca, užo z sotniu čałaviek ź sielskaj haspadarki za hety čas schadzili na dopyty, i ŭ asnoŭnym pa Bryło. A Skitaŭ, jak my razumiejem, pajšoŭ «u admovu» i maŭčyć», — skazaŭ naš surazmoŭca.
Nahadajem, pra pieršyja zatrymańni pa «Małočnaj spravie» «Našaj Nivie» stała viadoma akurat hod tamu, 1 listapada 2023 hoda.
Paźniej stała viadoma, što pad śledstva trapiŭ kiraŭnik «Babuškinaj krynki» Hienadź Skitaŭ (Elkind). Nieŭzabavie paśla jaho z pracy źnik i na toj momant pamočnik Łukašenki pa Viciebskaj vobłaści, eks-kiraŭnik Ministerstva sielskaj haspadarki Ihar Bryło.
Čytajcie taksama: Byŭ Elkind, staŭ Skitaŭ. Historyja dyrektara «Babuškinaj krynki» i zakuliśsie impieryi kiraŭnictva spraŭ Łukašenki
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary