Kłark Karłajł maje dźvie vyšejšyja adukacyi, vyvučaje matematyku, palityku i relihiju, a niadaŭna vyjhraŭ u papularnaj televiktarynie.
Kłark Karłajł maje dźvie vyšejšyja adukacyi, vyvučaje matematyku, palityku i relihiju, rehularna naviedvaje carkvu, a niadaŭna vyjhraŭ u papularnaj televiktarynie.
Abaronca «Biernli» Kłark Karłajł staŭ pieršym u historyi futbalistam, jaki vyjhraŭ u papularnaj u Vialikabrytanii televiktarynie Countdown.
30‑hadovy futbalist, jaki ŭ svoj čas hulaŭ za moładzievuju zbornuju Anhlii, atrymaŭ absalutnuju pieramohu nad dziejučym pieramožcam hulni ź likam 89:55.
«Usio žyćcio maryŭ uziać udzieł u hetaj hulni i, viadoma, pieramahčy, — skazaŭ Karłajł ITV. — Nie skažu, što hetaja pieramoha raŭnaznačna pieramozie na futbolnym poli, ale heta całkam supastaŭny pośpiech»
Adznačym, što Karłajł, jaki pravioŭ u hetym siezonie 23 matčy, maje dźvie vyšejšyja adukacyi, vyvučaje matematyku, palityku i relihiju, rehularna naviedvaje carkvu,
a ŭ 2002 hodzie byŭ nazvany samym razumnym futbalistam sučasnaści, paviedamlaje football.by.
***
«Biernli» — ‑kłub anhlijskaj futbolnaj premjer‑lihi, zasnavany ŭ 1882 h. «Biernli» źjaŭlajecca adnym z zasnavalnikaŭ Anhlijskaj futbolnaj lihi ŭ 1888 h. Čempijon Anhlii ŭ siezonach 1920-1921 i 1959-1960 hadoŭ.
U minułym siezonie hulaŭ u pieršym dyvizijonie (čempijonšyp) i prabiŭsia ŭ premjer-lihu z 5-ha miesca praź plej-of. Zaraz paśla 26 hulniaŭ zajmaje pieradapošni, 19-y radok. U nastupnym tury, 27 lutaha, hulaje z takim ža biadakam «Portsmutam» (20-je miesca).
***
Kłark Karłajł zhulaŭ u hetym siezonie za kłub 23 matčy, pryčym u 22 ź ich pravioŭ na poli ŭsie 90 chvilin. Zarabiŭ čatyry žoŭtyja kartki.
Za «Biernli» Karłajł vystupaje ad 2007 h., zabiŭ 6 miačoŭ. Raniej hulaŭ za «Błekpuł», KPR, «Lids», «Uotfard», byŭ u arendzie ŭ «Łutanie».
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary