Viktar Janukovič zajaŭlaje pra novy etap u adnosinach Ukrainy i Biełarusi.
U adnosinach Ukrainy i Biełarusi nastupaje novy etap, zajaviŭ novaabrany prezident Ukrainy Viktar Janukovič na sustrečy z Alaksandram Łukašenkam 25 lutaha ŭ Kijevie.
«My hatovy razam z vami razhledzieć usie asnoŭnyja stratehičnyja kirunki raźvićcia našych adnosinaŭ, — cytuje Janukoviča pres‑słužba prezidenta Ukrainy. — Ja hatovy pracavać razam z vami, kab ekanamičnyja dobrasusiedskija adnosiny pamiž našymi krainami dynamična raźvivalisia».
«Ja nie zabyŭ i nie zabudu radzimu svaich prodkaŭ — Viciebskuju vobłaść», — padkreśliŭ Viktar Janukovič.
Napiaredadni druhoha tura prezidenckich vybaraŭ va Ukrainie Hanna Hierman — namieśnik staršyni Partyi rehijonaŭ, jakuju ŭznačalvaje Janukovič, — u intervju BiełaPAN zajaviła, što supracoŭnictva ź Biełaruśsiu budzie adnym z pryjarytetaŭ zamiežnaj palityki Viktara Janukoviča ŭ vypadku abrańnia jaho prezidentam.
Pavodle jaje słoŭ,
Viktar Juščanka «pozna zrazumieŭ, što Biełaruś — heta vielmi važna»,
što dla Ukrainy važny jaje vopyt, što heta važny susied, «ale lepš pozna, čym nikoli». «My zaŭsiody ab hetym pamiatali, i hetym my adroźnivajemsia ad Juščanki, — padkreśliła palityk. — My nikoli nie zabyvali, jak važna padtrymlivać adnosiny z krainami, ź jakimi my raniej byli ŭ adnoj dziaržavie. Heta vyhadna navat z ekanamičnaha punktu hledžańnia. My paviazanyja vielmi daŭnimi niciami. Heta treba madernizavać i vykarystoŭvać siońnia.
Nie treba tut kiravacca niejkimi kompleksami i postsavieckimi strachami».
Pavodle słoŭ Hierman, va Ukrainie na Biełaruś hladziać »iak na prykład taho, jak treba kiravać ekanomikaj, kłapacicca pra ludziej, bierahčy niezaležnaść svajoj krainy». «I Viktar Fiodaravič [Janukovič] nie adzin raz heta padkreślivaŭ», — zaŭvažyła jana.
***
U apošni čas palityčny dyjałoh pamiž Minskam i Kijevam prykmietna aktyvizavaŭsia. U 2009 hodzie prezidenty Biełarusi i Ukrainy sustrakalisia čatyry razy: u studzieni — u Čarnihavie, u mai — u Homieli, u kastryčniku — u Kišyniovie ŭ ramkach samita SND i ŭ listapadzie — u Kijevie.
Padčas sustrečy ŭ Kijevie byŭ padpisany biełaruska‑ŭkrainski miemarandum, jaki tyčycca ŭdziełu dźviuch krain u prajektach Uschodniaha partniorstva ES. U im vykazana zacikaŭlenaść udziełam u takich prajektach, a taksama hatoŭnaść praciahvać sumiesnaje adstojvańnie palityki aktyŭnaha ŭciahvańnia Biełarusi ŭ ahulnajeŭrapiejskija pracesy.
Pavodle źviestak biełaruskaha boku, u 2009 hodzie abjom uzajemnaha handlu pamiž Biełaruśsiu i Ukrainaj źniziŭsia na 39% u paraŭnańni z 2008 hodam i skłaŭ 2,98 młrd. dołaraŭ, u tym liku biełaruski ekspart — 1,69 młrd.
Kamientary