Hazieta «Respublika» apublikavała list za podpisam staršyni Savieta Minskaj abłasnoj arhanizacyi vieteranaŭ Biełaruskaha hramadskaha abjadnańnia vieteranaŭ.
Hazieta «Respublika» apublikavała list za podpisam staršyni Savieta Minskaj abłasnoj arhanizacyi vieteranaŭ Biełaruskaha hramadskaha abjadnańnia vieteranaŭ, hanarovaha hramadzianina Minskaj vobłaści Alaksandra Słabady.
U liście havorycca, što «vieterany Vialikaj Ajčynnaj vajny Minskaj vobłaści hłyboka aburanyja bluźnierskim vykarystańniem u naźvie niedziaržaŭnaha elektronnaha ŚMI śviatych dla nas słovaŭ «Biełaruski partyzan».
Vykarystańnie ŭ naźvie sajta słovazłučeńnia «Biełaruski partyzan», pa słovach Słabady, «abražaje ŭdzielnikaŭ Vialikaj Ajčynnaj vajny tym, što pravakacyjnyja materyjały, jakija raźmiaščajucca ŭ internecie pad hetym zahałoŭkam, nosiać jarka vyjaŭleny, pieraduziaty, adkryta antybiełaruski charaktar».
Jak piša aŭtar lista abo pišuć za jaho: «Redakcyja hetaha ŚMI daje trybunu tak zvanym «niezaležnym palitykam» i «ekśpiertam», jakija žyvuć pobač z nami na biełaruskaj ziamli i pry hetym nie saromiejucca ablivać brudam narod Biełarusi, jaho kiraŭnictva, śviadoma ihnarujuć pośpiechi, dasiahnutyja za hady isnavańnia Respubliki Biełaruś, i staviać znak roŭnaści pamiž słovami «partyzan» i «apazicyjanier».
Voś jak prakamientavaŭ list vieteranaŭ adzin sa stvaralnikaŭ sajta Pavał Šaramiet: «U hady vajny maja prababula była suviaznoj partyzanskaha atrada i zachoŭvała doma ściah dyvizii Čyrvonaj armii. Jaje zdała palicajam susiedka. Prababulu paviesili fašysty, i jaje imiem nazvanaja vulica ŭ horadzie Asipovičy. Jaje syn Mikałaj — moj dzied — byŭ bajcom partyzanskaha atrada. Moj druhi dzied Stanisłaŭ, aficer Čyrvonaj armii, prajšoŭ praz kancłahier, źbieh, taksama partyzaniŭ.Na žal, ich daŭno niama z nami. Ja vielmi lublu svaich dziadoŭ i časta ŭzhadvaju ich dobryja vočy i mudryja parady. Sapraŭdnych vieteranaŭ zastałosia mała, pra ich treba kłapacicca, tamu spadara A.I. Słabadu ja vielmi prašu nie niervavacca i pabierahčy zdaroŭje, tamu što ŭ biełaruskaj dziaržavie chapaje bolš važnych prablemaŭ, čym vajna suprać sajta «Biełaruski partyzan».
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary