Kampanija Mark Formelle dniami vypuściła novuju kalekcyju adzieńnia. Jana atrymała nazvu «Płanieta El'nya» i, jak zajavili ŭ kampanii partału Telegraf.news, pry jaje stvareńni dyzajniery natchnialisia «ŭnikalnymi i zahadkavymi krajavidami samaha znakamitaha bałota Biełarusi» — Jelni.
U kapsulnaj kalekcyi pradstaŭlenyja kaściumy, chudzi, śvitšoty i futbołki dla dziaciej, žančyn i mužčyn, azdoblenyja pryntami ptušak u palocie.
Dyzajn adzieńnia, jak miarkuje vytvorca, adlustroŭvaje «kaśmičnuju mahiju» i «inšapłanietnuju atmaśfieru» biełaruskaha zakaźnika i simvalizuje «adzinstva ź dzikaj pryrodaj».
Z takim ža samym pasyłam była abranaja kolernaja hama kalekcyi:
- hłyboki ciomna-zialony koler, pa zadumcy stvaralnikaŭ, simvalizuje ziamlu, pakrytuju mocham,
- vysakarodny šery — mistyčnyja tumany,
- vytančany sini — vodnyja prastory,
- ciomna-čyrvony — žuraviny, jakija rastuć vosieńniu na bałotach.
Novaja kalekcyja adzieńnia ŭžo pastupiła ŭ kramy Mark Formelle, uklučajučy firmovuju anłajn-kramu.
Ceny na novuju kalekcyju — u zvyčajnym dyjapazonie vytvorcy:
- žanočaja tałstoŭka aviersajz abyjdziecca ŭ 79,99 rubla,
- mužčynskaje chudzi — u 99,99 rubla,
- mužčynskija štany — 84,99 rubla,
- žanočyja štany — 59,99 rubla,
- dziciačyja śvitšoty — 32,99-34,99 rubla,
- futbołki — ad 17,99 rubla.
Jelnia — adzin z najbujniejšych bałotnych masivaŭ Biełarusi, kompleks vierchavych i pierachodnych bałot sa šmatlikimi aziorami. Na jaho terytoryi ŭ 1968 hodzie byŭ stvorany respublikanski zakaźnik «Jelnia», jaki achoplivaje Miorski i Šarkaŭščynski rajony Viciebskaj vobłaści. Na hety momant pad zakaźnik addadziena bolš za 25 tys. hiektaraŭ bałot.
Mark Formelle vypuściŭ kalekcyju ź biełaruskaj vycinankaj
Top niebanalnych padarunkaŭ na lubuju nahodu ad biełaruskich majstroŭ
Mark Formelle adkryje svaje kramy ŭ Azierbajdžanie i Kyrhyzstanie
Mark Formelle adčynić u Rasii 42 novyja kramy
Biełaruskija vytvorcy adzieńnia kvitniejuć na fonie sankcyj
Mark Formelle da śviata raźviesiŭ na viarbie žanočyja staniki FOTAFAKT
Kamientary