Łaŭroŭ: Rasija spadziajecca, što sihnał ZŠA pa «Arešniku» byŭ uspryniaty surjozna
Rasija nie choča paharšać situacyju i spadziajecca, što jaje sihnał dla ZŠA ŭ vyhladzie vyprabavańnia balistyčnaj rakiety siaredniaj dalokaści «Arešnik» byŭ uspryniaty surjozna, pra heta zajaviŭ kiraŭnik MZS RF u intervju amierykanskamu žurnalistu Takieru Karłsanu, piša «Sputnik».
«Pakolki pa terytoryi RF vykarystoŭvajucca ATACMS i inšaja zbroja vialikaj dalokaści, my pasyłajem sihnały. Spadziajemsia, što apošni (paru tydniaŭ tamu) ad novaj sistemy «Arešnik» byŭ uspryniaty surjozna», — skazaŭ jon.
Łaŭroŭ skazaŭ, što Vašynhton zahadzia viedaŭ ab zapusku rakiety «Arešnik» i nie ŭbačyŭ u testavym zapusku «niešta pa-sapraŭdnamu niebiaśpiečnaje».
Sa słoŭ ministra, isnuje «kanał», jaki aŭtamatyčna ŭklučajecca pry zapusku balistyčnaj rakiety. Takim čynam, za 30 chvilin da zapusku hipierhukavaj balistyčnaj rakiety siaredniaj dalokaści «Arešnik» hetaja sistema adpraviła paviedamleńnie ŭ ZŠA.
«Jany viedali, što heta zdarycca i nie prymali jaje za niešta bolš maštabnaje i pa-sapraŭdnamu niebiaśpiečnaje», — adznačyŭ Łaŭroŭ.
Kiraŭnik MZS padkreśliŭ, što heta byŭ testavy zapusk.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary