Lekary paćvierdzili dyjahnaz raka mozhu ŭ brytanskaj dziaŭčynki, maci jakoj zapadozryła zachvorvańnie paśla pošuku simptomaŭ u internecie, piša Daily Mail.
Va ŭzroście čatyroch hadoŭ Beła Flint z Markfiłda stała nadzvyčaj viałaj dla dziciaci svajho ŭzrostu, pačała hublać vahu i skardzicca na hałaŭny bol. Akramia taho, dziaŭčynku vanitavała štoranicy. Maci dziaŭčynki, 25-hadovaja Karła Chornbakł źviarnułasia da ŭrača ahulnaj praktyki, jaki skazaŭ, što dačka sprabuje takim čynam pryciahnuć baćkoŭskuju ŭvahu, paśla naradžeńnia małodšaj dački.
Adkaz urača nie supakoiŭ Chornbakł, i jana ŭviała simptomy ŭ pošukavik Google. Pa vynikach pošuku stała zrazumieła, što padobnyja prajavy nazirajucca pry puchlinach mozhu.
Chornbakł uhavaryła inšaha ŭrača adpravić dačku na abśledavańnie — jon pryznačyŭ analizy i nakiravaŭ dziaŭčynku na kansultacyju ŭ Lesterski karaleŭski špital. Kansultanty vyrašyli zrabić dziaŭčyncy zdymak mozhu tolki dziela taho, kab supakoić maci, adnak daśledavańnie vyjaviła puchlinu dyjamietram bolš čatyroch santymietraŭ. Abśledavańnie pakazała, što Flint pakutuje redkim złajakasnyja novaŭtvareńniem — miedułłabłastomaj.
Na momant vyjaŭleńnia puchlina jašče nie paśpieła mietastaziravať i była vydalena ŭ Notynhiemskim karaleŭskim miedycynskim centry. Apieracyja doŭžyłasia vosiem hadzin. Paśla hetaha dziaŭčyncy pryznačyli kurs pramianiovaj terapii, kab całkam ačyścić mozh ad rakavych kletak.
Pa słovach Chornbakł, pramianiovaja terapija paŭpłyvała na raźvićcio pazvanočnika Flint, i jana naŭrad ci vyraście vyšej za 120 sm, adnak žyćcio dziaŭčynki vyratavali. Adziny ŭ krainie prafiesar piedyjatryčnaj ankałohii Ryčard Hrandzi adznačyŭ, što dziaŭčyncy mocna pašancavała, pakolki jaje maci źviarnułasia da ŭračoŭ svoječasova.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?22
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2424
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama24
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary