Chto toj pierakładčyk, jaki niecenzurna pieradaŭ słovy Łukašenki kiraŭnictvu AAE?
Vypusknik MDIMA, chakieist-amatar i kiraŭnik siłavoha aparatu Viktara Łukašenki.
Alaksandr Łukašenka na sustrečy z prezidentam AAE Muchamadam ibn Zaid Al Nachajanam, paskardziŭsia jamu na «niaščasny» štučny intelekt. A pierakładčyk dla pieradačy sensu vykarystaŭ samaje prostaje anhlijskaje niecenzurnaje słova.
«My ŭžo ź im vielmi surjozna abmierkavali hety niaščasny štučny intelekt», — padzialiŭsia Łukašenka z prezidentam AAE. «As we call this f*cking AI, that all of us are taking care about (toje, što my nazyvajem čortavym štučnym intelektam, ź jakim usim nam davodzicca mieć spravu — z anhł.)», — volna pieradaŭ słovy Łukašenki pierakładčyk.
Łukašenku pierakładaŭ Siarhiej Zielankievič — 41-hadovy dypłamat, jaki skončyŭ Maskoŭski dziaržaŭny instytut mižnarodnych adnosin (MDIMA) i pracavaŭ kiraŭnikom aparatu Viktara Łukašenki, kali toj byŭ pamočnikam baćki pa nacyjanalnaj biaśpiecy.
Akramia hetaha, Zielankievič — jašče i hulec amatarskaj chakiejnaj kamandy «Bastyjon», dzie taksama vystupaje i Viktar Łukašenka.
Siarhiej Zielankievič pracavaŭ sakratarom adździeła Afryki i Blizkaha Uschodu pry ŭpraŭleńni Azii i Afryki Ministerstva zamiežnych spraŭ Biełarusi, a zatym zajmaŭ pasadu druhoha sakratara pasolstva ŭ AAE (ci zajmaje jon hetuju pasadu dahetul — nieviadoma). Zielankieviča možna ŭbačyć ledź nie na ŭsich fotaspravazdačach ź vizitaŭ Viktara i Alaksandra Łukašenki ŭ AAE za apošnija hady.
Aproč hetaha, Siarhiej Zielankievič zajmaŭ pasadu daradcy na pradpryjemstvie «Tetraedr».
UP «Tetraedr» — heta pradpryjemstva vajenna-pramysłovaha kompleksu Biełarusi, stvoranaje ŭ 2001 hodzie. Firma śpiecyjalizujecca na raspracoŭcy radyjoelektronnych sistem uzbrajeńnia, a taksama na madernizacyi zienitnych rakietnych kompleksaŭ i sistem SPA, asabliva ŭ krainach Blizkaha Uschodu.
Kandydatami ŭ prezidenty zarehistravali Łukašenku i ŭsich čatyroch jaho sparynh-partnioraŭ
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
Brytanski błohier, jaki zmahaŭsia za biełaruski DNŽ i chadziŭ da Kubrakova, usio ž vyjechaŭ ź Biełarusi. Vypuścili nie ź pieršaj sproby
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary