«Ja člen vybarčaj kamisii i hetym hanarusia». Łukašysty ładziać novy fłešmob
Vyhladaje, što praŭładnyja ideołahi adčuli asałodu ad dyrektyŭnaj arhanizacyi fłešmobaŭ, a tamu stali ładzić ich ledź nie kožny tydzień. Tolki paśpieli adhrymieć fłešmoby «Nado!» i «Pad ściaham krainy», jak u sieciva pajšła novaja chvala adnatypnych praŭładnych videa.
Hetym razam ułady vyrašyli rassakrecić častku svaich ludziej, jakija pierad tym sami niekalki hadoŭ usimi siłami zasakrečvali — členaŭ vybarčych kamisij.
Paśla taho, jak u 2020 hodzie jaskrava prajaviłasia i stała dla bolšaści hramadstva całkam zrazumiełaja sapraŭdnaja rola členaŭ kamisij jak falsifikataraŭ narodnaha volevyjaŭleńnia, jany apynulisia ŭ nie vielmi kamfortnym psichałahičnym stanie.
Vidać, pradbačačy toje, što padčas nastupnych vybarčych kampanij možna realna sutyknucca ź niežadańniem ludziej iści ŭ kamisii i praŭdami dy niapraŭdami ŭchileńniem ad hetaj «misii», ułady prynamsi paabiacali zabiaśpiečyć im ananimnaść — u adroźnieńnie ad raniejšych časoŭ, poŭnyja śpisy členaŭ vybarčych kamisij nidzie nie publikujucca. Što, viadoma, u peŭnaj stupieni fikcyja, asabliva dla nievialikich nasielenych punktaŭ, dzie ŭsie adzin adnaho viedajuć. Ale ŭžo treciuju psieŭdaelektaralnuju kampaniju, jakaja adbyvajecca paśla 2020 hoda, ułady paśladoŭna takoha pryncypu trymalisia.
Ciapier ža niešta ŭ ich usprymańni pamianiałasia, i členaŭ vybarčych kamisii zahadana kinuć na ambrazury publičnaści. Sutnaść novaha fłešmoba — čałaviek źjaŭlajecca ŭ kadry i na kamieru havoryć adnolkavuju frazu: «Ja člen vybarčaj kamisii i hetym hanarusia». Całkam, praŭda, nie pradstaŭlajucca, imia i proźvišča nie nazyvajuć.
Nakolki šyroki achop zadumany ŭ hetaha fłešmoba — pakul niezrazumieła. U siecivie pakul što zaŭvažanyja «pryznalnyja» videa z roznych rajonaŭ Mahiloŭskaj vobłaści. Źjaŭlajecca hetaja akcyja abłasnoj inicyjatyvaj ci jana kaardynujecca ź Minska — pakaža najbližejšy čas.
Nie paśpieła kraina adyści ad akcyi «Nado!», jak pačaŭsia novy respublikanski fłešmob «Pad ściaham krainy»
Opcyi admaŭčacca ŭ spartsmienaŭ bolš niama. Ciapier nie tolki «nada», ale i pa pieršym ščaŭčku
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?
Łukašenka pra fłešmob «Nado!»: Ejsmant klałasia, što nie jana arhanizavała, ja joj vieru
«Prosta sahnali ŭsich na dvor i nie skazali navošta». Jak zdymajucca roliki dla fłešmobu «Nado»
Heta inšaje? Na čym padstaŭlajuć udzielnikaŭ fłešmobu «Nado!»
Ułady Biełarusi zapuścili fłešmob: rabotnikaŭ i vajskoŭcaŭ zmušajuć prasić Łukašenku bałatavacca na 7-y termin VIDEA
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie5
Kamientary