Baranavickaj milicyi zdaŭsia «arhanizatar» vybuchu ŭ Minsku 2008 hodu
Mužčyna patelefanavaŭ 2 sakavika ŭ Baranavicki HAUS.
Mužčyna, što patelefanavaŭ 2 sakavika ŭ Baranavicki HAUS, paviedamiŭ, što jon maje dačynieńnie da vybuchu, što adbyŭsia ŭ 2008 hodzie ŭ Minsku na Dzień niezaležnaści. Bolš za toje, ciapier jon rychtuje novy vybuch.
Jak raskazaŭ namieśnik načalnika haradskoha adździełu ŭnutranych spravaŭ Eldar Vilčkoŭski, surazmoŭca paviedamiŭ svajo proźvišča, imia, a taksama adras, dzie jon znachodzicca, paśla čaho pakłaŭ trubku.
Supracoŭniki milicyi, što vyjechali na adznačany adras, sapraŭdy znajšli tam 31-hadovaha mužčynu, jaki telefanavaŭ na śpiecliniju «102» sa svajho mabilnaha telefona.
Jak vyśvietliłasia, da hetaha «arhanizatar vybuchu» niekalki razoŭ lačyŭsia ŭ Navinkach u Minsku.
Z dyjahnazam «vostraje psichičnaje rasstrojstva» mužčyna byŭ dastaŭleny ŭ Baranavicki psichanieŭrałahičny dyspansier.
Ciapier pa dadzienym fakcie pravodzicca pravierka.
Kamientary