U Biełarusi źviestki ab pryščepkach buduć traplać u ahulnuju aŭtamatyčnuju bazu
U Biełarusi budzie stvorana aŭtamatyzavanaja sistema dla zboru i analizu infarmacyi pra vakcynacyju nasielnictva. Adpaviednaja pastanova ŭrada apublikavana na Nacyjanalnym pravavym partale.
Zbor i analiz infarmacyi budzie ažyćciaŭlać Ministerstva achovy zdaroŭja. Dla pracy budzie vykarystoŭvacca aŭtamatyzavanaja infarmacyjnaja sistema «Spravazdača», apierataram jakoj źjaŭlajecca Ahienctva siervisacyi i reinžynirynhu.
Praca ahienctva budzie finansavacca za košt respublikanskaha biudžetu, jaki vydzialajecca Ministerstvu achovy zdaroŭja.
Akramia hetaha, u dakumiencie jość śpis piersanalnych źviestak biełarusaŭ, jakija buduć zachoŭvajecca ŭ sistemie. Heta identyfikacyjny numar, proźvišča i imia, data naradžeńnia, dadzienyja rehistracyi pa miescy žycharstva, miesca pracy, numar telefona i h. d. pry hetym zachoŭvać hetyja dadzienyja ŭ sistemie buduć na praciahu troch hadoŭ z daty ich uniasieńnia.
Kamientary