Impart mabilnikaŭ za studzień u Biełarusi vyras amal u čatyry razy
Biełaruś u studzieni 2010 hoda pavialičyła impart mabilnych telefonaŭ u 3,8 razuŭ paraŭnańni z anałahičnym pieryjadam 2009 hoda da 82,9 tys. na sumu 3,6 młn dalaraŭ (rost u 2,9). Takija papiarednija źviestki pryvodzić Dziaržaŭny mytny kamitet.
Pavodle DMK, najbolšaja kolkaść mabilnych telefonaŭ była impartavana z Kitaja — 68,5 tys. štuk (rost u 3,9 razu), Rumynii — 8,7 tys. (u studzieni 2009 h. nie impartavalisia), Vienhryi — 4,9 tys. (u studzieni 2009‑ha impart nie ažyćciaŭlaŭsia), Karei ‑‑ 0,5 tys. štuk (u 3,8 razu mienš).
Značny rost pastavak impartnych telefonaŭ u studzieni možna rastłumačyć śviatočnymi akcyjami mabilnych apierataraŭ, jakija prapanujuć biudžetnyja telefony pa vyhadnaj canie pry ŭmovie padklučeńnia na asobnyja taryfnyja płany abo pry zaklučeńni doŭhačasovych kantraktaŭ na absłuhoŭvańnie ŭ svaich sietkach. Akramia taho, apieratary ŭsio bolš aktyŭna stali prapanoŭvać na rynku lehalna uviezienyja telefony z rasterminoŭkaj płaciažu, što pry najaŭnaści harantyjnaha absłuhoŭvańnia robić takija prapanovy bolš vyhadnymi, čym prapanovy šeraha rynku.
U 2010 hodzie lideram pastavak mabilnych telefonaŭ zastajecca Kitaj, i zachoŭvajecca tendencyja źnižeńnia siaredniaha koštu adnaho aparata i prevalavańnie ŭ ahulnym abjomie impartu biudžetnych madelaŭ telefonaŭ. Hetaja moža śviedčyć pra toje, što častka telefonaŭ ź siaredniaha i vysokaha koštavaha dyjapazonu traplajuć u krainu šlacham šerych pastavak.
Kamientary