Aryna Sabalenka trapiła ŭ skandał z-za dziŭnaha staŭleńnia da vyjhranaha trafieja VIDEA
Tenisistka Aryna Sabalenka apynułasia ŭ centry skandału paśla parazy ŭ finale Australian Open-2025 ad amierykanki Medysan Kiz. Pavodziny spartsmienki i jaje kamandy vyklikała chvalu abureńnia siarod zaŭziataraŭ i tenisnaj supolnaści.
Paśla zakančeńnia matču ŭ sacyjalnych sietkach raspaŭsiudziłasia videa, na jakim vidać, jak Sabalenka niadbajna pakłała trafiej finalistki pierad nahami, a zatym pakazała nieadnaznačny žest i zaśmiajałasia.
Adnak najbolšaje abureńnie vyklikali pavodziny členaŭ jaje kamandy, jakija prademanstravali nad uznaharodaj za druhoje miesca tualetnuju praceduru. Akramia samoj Aryny, u hetym udzielničali jaje chłopiec Hieorhas Franhulis i fitnes-trenier Džejsan Stejsi.
«Takoje staŭleńnie da trafieja niedapuščalnaje! Finał turniru Vialikaha šlema — heta vielizarny honar, i padobnyja dziejańni abražajuć tenis jak sport», — takimi i padobnymi kamientarami poŭniacca sacsietki.
Mnohija prychilniki tenisu ličać, što za padobnyja pavodziny Sabalenka i jaje kamanda pavinny panieści pakarańnie, až da časovaj dyskvalifikacyi. Niekatoryja zaklikajuć kiraŭnictva turniru i WTA razhledzieć pytańnie pra sankcyi ŭ dačynieńni da spartsmienki.
Sama tenisistka pakul nie davała aficyjnych kamientaroŭ z nahody taho, što zdaryłasia. Pradstaŭniki turniru taksama pakul ustrymlivajucca ad zajaŭ, adnak čakajecca, što ŭ najbližejšy čas adnosna incydentu źjavicca aficyjnaja reakcyja arhanizataraŭ Australian Open.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary