Paŭnočnakarejskija rakiety, jakija vykarystoŭvaje Rasija, stali bolš jakasnymi
Paŭnočnakarejskija balistyčnyja rakiety, vypuščanyja rasijskimi vojskami pa Ukrainie z kanca śniežnia, stali značna bolš dakładnymi, čym tyja, jakija vykarystoŭvalisia ŭ papiarednija miesiacy. Pra heta paviedamiła Reuters sa spasyłkaj na dźvie ŭkrainskija vysokapastaŭlenyja krynicy.
Pa słovach adnaho z surazmoŭcaŭ ahienctva, raniej adchileńnie rakiet z KNDR ad celi składała ad adnaho da troch kiłamietraŭ, ciapier ža — 50-100 mietraŭ. Takaja acenka zasnavanaja na vyvučeńni abłomkaŭ 20 rakiet, zapuščanych u apošnija tydni.
Pavyšeńnie dakładnaści rakiet adbyłosia «raptoŭna» paśla miesiacaŭ niedakładnych zapuskaŭ, adznačyła krynica. Jano moža być źviazana z tym, što ich stali abstaloŭvać palepšanymi navihacyjnymi sistemami abo rulavymi miechanizmami.
Adna z krynic adznačyła, što kryminalistyčny analiz abłomkaŭ nie vyjaviŭ źmianieńniaŭ u kanstrukcyi rakiet, ale abłomkaŭ dla analizu było niašmat.
Ekśpiert pa ŭzbrajeńniach u Instytucie palityčnych daśledavańniaŭ Asan u Sieule Janh Uk siarod mahčymych pryčyn taksama nazyvaje bolš dakładnuju infarmacyju pra celi, novyja kampanienty dla sistem naviadzieńnia, dadzienyja Rasijaj, a taksama palapšeńni, zasnavanyja na vopycie, atrymanym paŭnočnakarejskimi raspracoŭščykami rakiet za čas rasijska-ŭkrainskaj vajny.
U kancy listapada Reuters paviedamlała, što KNDR pašyraje adzin sa svaich klučavych zavodaŭ pa vytvorčaści zbroi, na jakim, u pryvatnaści, źbirajucca rakiety, jakija vykarystoŭvajucca Rasijaj u vajnie suprać Ukrainy.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram3
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary