«Daj boh kožnamu mieć takuju zarpłatu, jakuju majuć našy chakieisty»

U Biełarusi pavinna być vybudavana efiektyŭnaja sistema padrychtoŭki chakiejnych kadraŭ i trenierskaha składu, zajaviŭ 12 sakavika Alaksandr Łukašenka na naradzie pa pytańniach raźvićcia ajčynnaha chakieja z šajbaj.

Jak paviedamiła pres-słužba prezidenta, Łukašenka padkreśliŭ, što na naradzie razmova idzie ab chakiei «nie tamu, što, jak pryniata ličyć, heta lubimy vid sportu prezidenta, a tamu, što dla hetaha jość niekalki važkich padstaŭ». Pieršaja — vystupleńnie chakiejnaj zbornaj Biełarusi na Alimpijadzie ŭ Vankuviery. «U mianie hetaje vystupleńnie vyklikaje nie tolki zakłapočanaść, ale i niezadavolenaść z-za adsutnaści vyvieranaj stratehii raźvićcia chakieja napiaredadni čempijanatu śvietu 2014 hoda ŭ Minsku», — skazaŭ Łukašenka. Pa-druhoje, napieradzie čempijanat śvietu pa chakiei ŭ Hiermanii.

«Kali my budziem tak hulać, jak u Vankuviery, to lepš nikudy naohuł nie jechać i siadzieć doma», — adznačyŭ jon.

Akramia taho, pavodle słoŭ prezidenta, nieabchodna surjozna razhledzieć pytańni dalejšaha funkcyjanavańnia kłuba «Dynama». «Kali my budziem i ŭ nastupnym hodzie hulać tak, jak hulali sioleta ŭ KCHŁ, to lepš hetyja hrošy patracić na raźvićcio chakieja ŭnutry krainy, čym padarožničać ad Uładzivastoka da Bresta pa prastorach byłoha SSSR», — zajaviŭ biełaruski kiraŭnik.

Jon ličyć, što «Dynama» zdolnaje hulać značna lepš, ab čym śviedčać asobnyja matčy, adnak hulała vielmi niaroŭna.

Heta havoryć ab biezadkaznaści jak kiraŭnictva Fiederacyi chakieja, tak i treniera kamandy i samich hulcoŭ, skazaŭ Łukašenka.

Kamientujučy prapanovy ab uvachodžańni ŭ KCHŁ «Junactva» i, mahčyma, treciaj kamandy, jon adznačyŭ, što nie suprać, ale tolki tady, kali pieršaja kamanda zavajuje chacia b bronzavyja miedali. Tamu, pradoŭžyŭ Łukašenka, razmovy ab tym, kab nakiravać jašče adnu kamandu, treba spynić. «Kali ŭ kahości jość hrošy, to, kali łaska, płacicie i hulajcie», — skazaŭ jon.

«Što datyčycca zarpłat, to daj boh kožnamu ŭ našaj krainie mieć takuju zarpłatu, jakuju majuć u siarednim našy chakieisty», — adznačyŭ biełaruski kiraŭnik. Jon zaklikaŭ vyznačycca z kolkaściu lehijanieraŭ. «Ale kanceptualna i niepachisna adno: svoj chakiej treba raźvivać», — padkreśliŭ Łukašenka. Heta tyčycca nie tolki spartsmienaŭ. «Nie paśpieli daručyć Barodziču [kiraŭnik BFST «Dynama»] pradastavić kancepcyju kłuba «Dynama» (Minsk), jak jon mnie pryvioz niejkaha čynoŭnika z Rasii (były dyrektar taljacinskaj «Łady» Siarhiej Katkoŭ.

Byccam u nas usie durni i nie mohuć być mieniedžeram abo vykanaŭčym dyrektaram hetaha kłuba», — skazaŭ Łukašenka.

Jon padkreśliŭ, što chakiejem pavinny zajmacca śpiecyjalisty:

«A nie šarłatanstvam zajmacca, jak heta było ŭ Fiederacyi chakieja: razahnali kiraŭnictva kłuba «Dynama», sa zbornaj pavyhaniali ŭsich.

Voś i vynik. Heta hałavaciapstva Fiederacyi chakieja pry paturańni pamočnika prezidenta i ministra sportu».

Łukašenka zajaviŭ taksama ab «jaŭnych upuščeńniach» u raźvićci dziciača-junackaha chakieja.

Ministr sportu i turyzmu Aleh Kačan, jaki vystupiŭ na naradzie, pradstaviŭ niekalki prapanoŭ pa raźvićci chakieja. U pryvatnaści, prapanoŭvajecca raspracavać i zaćvierdzić u pieršym paŭhodździ kancepcyju raźvićcia chakieja na 2011—2014 hady, a ŭ druhim paŭhodździ na jaje asnovie — prahramu raźvićcia chakieja. Hetaja prahrama budzie praduhledžvać miery pa stvareńni dakładnaj typavoj struktury chakiejnaha kłuba (jon pavinien utrymlivać prafiesijnuju kamandu, spartyŭnuju škołu i spartkompleks). Akramia taho, nieabchodna stvaryć centr zbornych kamand va ŭzroście ad 14 da 16 hadoŭ dla centralizavanaj padrychtoŭki da junackich Alimpijskich hulniaŭ i piaršynstvaŭ śvietu.

Ministr prapanavaŭ skaracić kolkaść chakiejnych kamand, jakija ŭdzielničajuć u čempijanacie Biełarusi, da 10. Adnak Łukašenka vykazaŭsia za 12. Akramia taho, budzie stvorana maładziožnaja liha, dzie buduć hulać vučni spartyŭnych škoł.

Akramia hetaha, prapanoŭvajecca pamienšyć da šaści čałaviek limit lehijanieraŭ u biełaruskich kamandach, pradstaŭlenych u KCHŁ.

U prajekcie kancepcyi praduhledžvajucca mierapryjemstvy, nakiravanyja na ŭdzieł kamand biełaruskich kłubaŭ u stvaranaj u Rasii Maładziožnaj chakiejnaj lizie (uzrost hulcoŭ ad 17 da 21 hoda).

Prapanovy Minsportu padtrymaŭ vice-premjer Uładzimir Patupčyk.

Hałoŭny trenier zbornaj na Alimpijadzie ŭ Vankuviery Michaił Zacharaŭ zhadziŭsia z krytykaj, vykazanaj Łukašenkam u adras kamandy.

«Adzinaje, u čym ja z vami nie zhadžusia: usio-taki na čempijanacie śvietu 2014 hoda Biełaruś, majučy tolki adnu kamandu ŭ KCHŁ, nie zmoža vystupić dobra. Dla paśpiachovaha vyniku chakieistaŭ, jakija hulajuć u KCHŁ, pavinna być 60—70, kab stvaryć kankurencyju ŭ zbornuju», — skazaŭ Zacharaŭ.

Kiraŭnik kłuba «Homiel» Ihar Małčanaŭ skancentravaŭsia na vielmi nizkich zarpłatach dziciačych trenieraŭ, što vyklikaje niedachop trenierskich kadraŭ. Małčanaŭ prapanavaŭ abjadnać usie stupieni padrychtoŭki i treniroŭki chakieistaŭ u cełasnuju sistemu pad adzinym pačatkam i dakładnym kantrolem. Akramia taho, metazhodna stvaryć internaty na bazie dziciača-junackich kłubaŭ. Łukašenka ŭchvaliŭ hetyja prapanovy, daručyŭšy pačać ich realizacyju na praciahu miesiaca. «Pytańnie ab dastojnaj apłacie pracy dziciačych trenieraŭ pavinna być vyrašana nieadkładna», — skazaŭ jon.

Łukašenka zajaviŭ ab nieabchodnaści dakładna vyznačycca z pytańniami apłaty pracy chakieistaŭ, jakija vystupajuć va ŭnutranym čempijanacie krainy, kab jana adpaviadała ŭkładu hulcoŭ i stymulavała ich prafiesijny rost. Ciapier adznačajecca rost utrymanskich nastrojaŭ siarod hulcoŭ, adsutničaje sistema stymulavańnia ich pośpiechaŭ.

«Urad, Minsportu, Fiederacyja chakieja abaviazany ŭsio pierałapacić i vybudavać narmalnuju sistemu. Kali jość z čaho skapiravać — vaźmicie skapirujcie. U chakiei patrebna tryvałaja viertykal, efiektyŭnaja škoła. Usio pavinna pracavać na treniera, jon pavinien być u centry ŭsiaho, kab jaho słova było jak zakon», — skazaŭ Łukašenka.

«Chakieisty, jakija siońnia jeździać na šykoŭnych inšamarkach, pavinny razumieć, što za ŭsio treba raźličvacca. Heta hrošy naroda, jaki ŭkładvaje ŭ vas vielizarnyja srodki.

Vy atrymlivajecie zarpłatu, jakuju siońnia nie atrymlivaje ni chirurh, ni prafiesar univiersiteta.

I treba pamiatać, što heta nie tolki ty zarabiŭ — tabie dali mahčymaść prajavić siabie», — padkreśliŭ biełaruski kiraŭnik.

18 sakavika adbudziecca pazačarhovaja kanfierencyja FCHRB, na jakoj nieabchodna abrać novaha staršyniu. «Źbiaryciesia i maksimalna sumlenna, ščyra abmiarkujcie ŭsie pytańni. Nijakija adhavorki i apraŭdańni niaŭdač mnoj prymacca nie buduć — krainie patrebien vynik», — skazaŭ Łukašenka.

• 0
• 0
• 0
• 0
• 0
• 0
• 0
• 0