Jak paviedamili va UDAI HUUS Minharvykankama, mierapryjemstvy arhanizavanyja napiaredadni adzinaha dnia prafiłaktyki, jaki pravodzicca 18 sakavika 2010 hoda pad devizam «Prafiłaktyka biaśpieki darožnaha ruchu».
Asnoŭnyja mety akcyi:
infarmavańnie ŭdzielnikaŭ darožnaha ruchu pra źmianieńni ŭ Administracyjny kodeks, jakija nabyli moc 23 lutaha 2010 hoda; pryciahnieńnie ŭvahi hramadskaści da prablem darožna‑transpartnaha traŭmatyzmu; prafiłaktyka administracyjnych pravaparušeńniaŭ u śfiery darožnaha ruchu; farmiravańnie stanoŭčaha imidžu Dziaržaŭtainśpiekcyi, raźvićcio partniorskich adnosin z nasielnictvam.
U dni praviadzieńnia akcyi inśpiektary DPS buduć pravodzić prafiłaktyčnyja hutarki z udzielnikami darožnaha ruchu, u tym liku z tymi, chto ŭčyniŭ administracyjnaje pravaparušeńnie, i ŭručać im infarmacyjnyja buklety.
«Mnohija ŭdzielniki darožnaha ruchu jašče nie ŭśviadomili da kanca, jakija źmianieńni adbylisia ŭ zakanadaŭstvie našaj krainy, źviazanyja z pryciahnieńniem da administracyjnaj adkaznaści za parušeńni praviłaŭ darožnaha ruchu», — ličać u DAI.
U Dziaržaŭtainśpiekcyi nahadali, što ŭ adpaviednaści z artykułam 18.23 KoAP, za parušeńnie praviłaŭ darožnaha ruchu piešachodam, asobaj, jakaja kiruje viełasipiedam, hužavym transpartnym srodkam, ci asobaj, jakaja ŭdzielničaje ŭ darožnym ruchu i nie kiruje transpartnym srodkam, praduhledžana papiaredžańnie ci štraf ad 1 da 3 bazavych vieličyń. U vypadku takoha parušeńnia ŭ stanie ałkaholnaha apjanieńnia praduhledžana adkaznaść u vyhladzie štrafu ad 3 da 5 bazavych vieličyń. Stan ałkaholnaha abo inšaha apjanieńnia vyznačajecca šlacham praviadzieńnia pravierki (ahladu) ŭ miedycynskaj ustanovie. Adkaznaść taksama praduhledžana za admovu ad praviadzieńnia miedycynskaha ahladu.
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary