Čarhovy 13‑y źjezd Abjadnanaj hramadzianskaj partyi (AHP), jaki płanujecca pravieści 21 sakavika, moža nie adbycca. Pra heta paviedamiŭ lider partyi Anatol Labiedźka.
«Jość data źjezda, abrany 160 delehataŭ, zaćvierdžany paradak dnia, ale niama pamiaškańnia», — skazaŭ jon. Uładalniki prydatnych dla praviadzieńnia źjezda pamiaškańniaŭ u Minsku «družna admaŭlajuć u ich arendzie».
«Pryčym padziei raźvivajucca pavodle adnaho i taho ž scenaryja, — paviedamiŭ palityk. — Spačatku nam zajaŭlajuć pra hatoŭnaść vydzielić pamiaškańnie, bo heta vyhadna ŭ finansavym płanie. Zatym telefanujuć i havorać pra nieabchodnaść padumać. Jašče praź niekatory čas paviedamlajuć pra admovu ŭ arendzie. Tak było pry pieramovach z administracyjaj hatelaŭ Crowne Plaza, «Biełaruś», Pałaca kultury Minskaha traktarnaha zavoda i inšych arhanizacyj».
Ciapier AHP čakaje adkaz ź Minharvykankama na prośbu ab sadziejničańni ŭ pošuku pamiaškańnia dla źjezda.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary