Sikorski prakamientvaŭ vierahodnaść stvareńnia abjadnanaha jeŭrapiejskaha vojska
Ministra zamiežnych spravaŭ Polščy Radasłava Sikorskaha spytali, što jon dumaje nakont stvareńnia adzinaha jeŭrapiejskaha vojska.
Radasłaŭ Sikorski adznačyŭ, što važna kankretyzavać, što ŭkładvać u hetaje paniaćcie, piša Reuters.
«Kali vy majecie na ŭvazie pad hetym abjadnańnie nacyjanalnych vojskaŭ — hetaha nie budzie. Ale ja zaŭsiody vystupaŭ za toje, kab Jeŭropa, ES raźvivali svaje abarončyja zdolnaści», — adznačyŭ ministr zamiežnych spraŭ Polščy.
«Kali ZŠA chočuć, kab my rabili bolš dla abaranazdolnaści — u hetym pavinna być nacyjanalnaja kampanienta, kampanienta NATA, ale taksama, dumaju, kampanienta ES, jeŭrapiejskija subsidyi dla abaronnaj industryi, kab naraścić našu zdolnaść vyrablać, ale taksama niejkaja jeŭrapiejskaja siła, jakaja vartaja svajho imia», — adznačyŭ Radasłaŭ Sikorski.
Napiaredadni prezident Ukrainy Uładzimir Zialenski vykazaŭ mierkavańnie, što nadyšoŭ čas stvarać uzbrojenyja siły Jeŭropy.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary