«Wildberries pavinien pracavać na dziaržavu». Na naradzie ŭ Łukašenki była samaja bahataja žančyna Rasii
Na naradu pa pytańniach raźvićcia pryvatnaha biznesu ŭ Alaksandra Łukašenki zaprasili Taćcianu Kim — zasnavalnicu rasijskaha markietplejsa Wildberries.
Łukašenka padčas narady źviarnuŭsia da samaj bahataj žančyny Rasii asobna.
Jon padniaŭ svaju lubimuju temu pra kramy krokavaj dastupnaści i adznačyŭ, što Wildberries u Biełarusi pavinien pracavać na dziaržavu, piša BiełTA.
«Ja nie chaču, kab źnikli kramy krokavaj dastupnaści, maleńkija kramki i hetak dalej. Ja nie chaču, kab była manapolija bujnych sietak. I nie chaču, kab u kahości byli takija ŭmovy, a ŭ hetych — takija.
Ale kali chtości madernizavaŭsia i prasunuŭsia ŭ budučyniu, a Wildberries pracuje mienavita tak (ja ŭžo bajusia, što ŭvieś handal chutka piarojdzie ŭ internet), takija pradpryjemstvy my budziem padtrymlivać. Ale luboje pradpryjemstva pavinna pracavać na Biełaruś, na dziaržavu. Tady ŭ mianie nijakich nie budzie da vas pretenzij», — zajaviŭ Łukašenka.
Pavodle danych Forbes na 2024 hod, kapitał Taćciany Kim składaŭ 5,5 młrd dołaraŭ. Adnak jana mahła stracić častku aktyvaŭ u vyniku hučnaha razvodu z Uładzisłavam Bakalčukom.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary