Kamandujučy suchaputnymi vojskami Bundeśviera hienierał-lejtenant Charald Hante zajaviŭ, što ŭzbrojenyja siły Hiermanii nie spraviacca z novymi vyklikami biez adnaŭleńnia abaviazkovaj vajskovaj słužby.
U intervju Deutsche Presse-Agentur Hante padkreśliŭ, što ciapierašni padychod nie dazvolić vyrašyć prablemu niedachopu kadraŭ, u tym liku ŭ reziervie.
«Kali my budziem prytrymlivacca tak zvanaj dvajnoj dobraachvotnaści — kali i pracadaŭca, i sam čałaviek pavinny dać zhodu na ŭdzieł u vučeńniach, — heta nie spracuje», — zajaviŭ Hante.
Hienierał adznačyŭ, što pierad Bundeśvieram stajać novyja vykliki, źviazanyja z abaronaj krainy i sajuźnikaŭ, a taksama ŭnutranaj biaśpiekaj.
«Usie dadatkovyja zadačy, jakija my siońnia vykonvajem u halinie terytaryjalnaj i kalektyŭnaj abarony, niemahčyma realizavać biez značnaha pavieličeńnia kolkaści asabistaha składu. A heta možna zrabić tolki z dapamohaj pryzyŭnikoŭ», — padkreśliŭ jon.
Tema adnaŭleńnia pryzyvu ŭ Hiermanii zastajecca sprečnaj. U 2011 hodzie kraina admoviłasia ad abaviazkovaj słužby na karyść prafiesijnaj armii, adnak paśla rasijskaha ŭvarvańnia va Ukrainu hetaja dyskusija stała znoŭ nabirać abaroty, piša Bild.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon13
Kamientary