Rubia: Prezident ZŠA — adziny, chto moža pasadzić Pucina za stoł pieramovaŭ
Kiraŭnik Dziarždepartamienta ZŠA pierakanany, što rasijanaŭ nieabchodna prymusić pačać pieramovy, kab ubačyć, ci hatovy Kreml skončyć vajnu, paviedamlaje «Hołas Amieryki».
Dziaržsakratar ZŠA Marka Rubia zajaviŭ, što ŭ jaho nie było nijakich kantaktaŭ z prezidentam Ukrainy Uładzimiram Zialenskim paśla haračaj dyskusii pamiž prezidentam Donaldam Trampam i ŭkrainskim lidaram, jakaja razharełasia ŭ piatnicu ŭ Avalnym kabiniecie.
«My budziem hatovyja adnavić uzajemadziejańnie, kali jany [Ukraina] buduć hatovyja zaklučyć mir, što, vidavočna, źjaŭlajecca metaj prezidenta, — padkreśliŭ Rubia. — Jon [Tramp] sprabuje pasadzić Rasiju za stoł pieramovaŭ, kab vyśvietlić, ci jość sposab pakłaści kaniec hetamu kanfliktu. Heta jaho meta… Spadziajusia, my dojdziem da hetaha punktu, kali heta stanie mahčymym».
Kiraŭnik źniešniepalityčnaha viedamstva ZŠA paviedamiŭ taksama, što ŭ jaho niama padrabiaznaj infarmacyi ab padrychtoŭcy Vialikabrytanijaj i Francyjaj mirnaha płana pa Ukrainie.
Rubia padkreśliŭ, što «važna zrazumieć dynamiku» i pasadzić rasijskaha lidara Uładzimira Pucina za stoł pieramovaŭ, i adziny, chto moža heta zrabić, — heta Donald Tramp.
«Prezident kaža, što jość hetaja žudasnaja vajna, jana praciahvajecca ŭžo try hady, heta kryvavy tupik. Jon choča, kab jana skončyłasia. Adziny sposab, jakim jana skončycca, — heta kali Uładzimir Pucin siadzie za stoł pieramovaŭ. I prama zaraz prezident Tramp — adziny čałaviek na ziamli, u jakoha jość choć niejki šaniec pasadzić jaho za stoł, kab pahladzieć, jak jon hatovy skončyć vajnu», — zajaviŭ Rubia.
«Vy nie pasadzicie ich za stoł, kali vy budziecie abzyvać ich, kali vy budziecie varožyja. Prezident adčuvaje heta. Heta instynkty, vypracavanyja za mnohija hady zaklučeńnia ździełak u jakaści biznesmena, — rastłumačyŭ Rubia. — My patracili try hady, abzyvajučy Uładzimira Pucina. Ciapier nie ŭ hetym sutnaść. Nieabchodna vyśvietlić, ci jość sposab prymusić ich spynić vajnu. I adziny sposab zrabić heta — prymusić rasijanaŭ ustupić u pieramovy.
Rubia taksama paćvierdziŭ, što ŭmovy pieramirja pavinny być tryvałymi.
«Pavinny być praduhledžanyja harantyi. Ale ŭsio pačynajecca ź pieršaha kroku, — tłumačyŭ dziaržsakratar. — U advarotnym vypadku my ŭbačym zaciažnoje tupikovaje raźvićcio z tysiačami zahinułych ludziej, miljardami vydatkavanych dalaraŭ, i jašče bolšym likam śmierciaŭ i razbureńniaŭ. Heta nie toje, u čym prezident choča ŭdzielničać», — dadaŭ Rubia.
«Usie kažuć pra harantyi biaśpieki dla zabieśpiačeńnia miru. Spačatku treba damahčysia miru. My navat nie viedajem, ci mahčymy mir. My ŭsie razumiejem, što Pucin nie budzie lohkim pierahavorščykam u hetych adnosinach. Adnak my pavinny — my pavinny pačać praces, kab ubačyć, ci mahčyma niešta naohuł», — tłumačyŭ hałoŭny amierykanski dypłamat.
Marka Rubia adchiliŭ abvinavačvańni sienatara ad Respublikanskaj partyi Lizy Murkoŭski ŭ tym, što Bieły dom sprabuje «ŭłahodzić ruskich», dadaŭšy pry hetym, što, biezumoŭna, u ZŠA ludzi majuć prava vykazvać svaje dumki. Abvinavačvańni Murkoŭski prahučali paśla pryniaćcia Radaj Biaśpieki AAN rezalucyi, u jakoj nie ŭtrymlivałasia farmulovak ab «terytaryjalnaj cełasnaści Ukrainy» abo «ahresii Rasii».
«Čym raniej usie tut pastalejuć i zrazumiejuć, što heta drennaja vajna, jakaja moža pieraraści ŭ bolš šyroki kanflikt, tym bolšaha prahresu my zmožam dasiahnuć. — zajaviŭ Rubia. — Ale jakoje mirnaje pahadnieńnie ŭ suśvietnaj historyi kali-niebudź było lohkim? Heta ciažkaja dypłamatyčnaja praca», — dadaŭ jon.
«Tak što, pryjšoŭ čas pasadzić ruskich za stoł pieramovaŭ, kali heta naohuł mahčyma, i pahladzieć, ci jość šlach napierad, jaki pakładzie kaniec hetamu kanfliktu i zrobić tak, kab jon nikoli bolš nie paŭtaryŭsia. Heta naša meta. Heta zastajecca našaj metaj. Heta meta prezidenta», — skazaŭ na zakančeńnie kiraŭnik Dziarždepartamienta ZŠA.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary
Kali ciabie nazvali asłom, daj u tvar
Kali druhi raz nazvali, nazavi kazłom u adkaz
Kali treci - idzi kuplaj siadło.
Kali kupiš siadło ŭžo, rubia?