U Minsku źbirajucca budavać pieršy aŭtamabilny tunel. Dzie jon budzie?
U Minsku źbirajucca pabudavać aŭtamabilny tunel, źviarnuŭ uvahu kanał «Minsk i minčuk». Jon piša, što z paniadziełka pačałosia hramadskaje abmierkavańnie prajekta rekanstrukcyi rajona vulicy Arłoŭskaj, dzie źjavilisia niekatoryja važnyja źmieny.
«Kidajecca ŭ vočy kruhavoje skryžavańnie ŭ miescy pierachodu Staravilenskaha trakta praz druhoje kalco. Taksama varta źviarnuć uvahu, što vidavočna pramalavany aŭtamabilny tunel pad im (raniej jon fihuravaŭ na vizualizacyjach tak, što možna było dyskutavać ab realnych płanach). Strełkaj pakazanyja punkty ŭvachodu-vychadu tunelu», — piša kanał.
Miarkujučy pa apublikavanym płanie, aŭtadaroha nyrnie ŭ tunel pierad Daŭhinaŭskim traktam (kali jechać z boku płoščy Banhałor), a vyjdzie na pavierchniu za vulicaj Navavilenskaj.
Tunel pad Arłoŭskaj nie siońnia byŭ prydumany, piša Blizko.by.
— Heta zbudavańnie daŭno praduhledžvałasia i hienpłanam horada, i detalovym płanam. Pry raźvićci rajona Paŭnočny Bierah nahruzka na skryžavańni z vulicaj Navavilenskaj i Staravilenskim traktam uzraście ŭ razy. Arhanizacyja pierasiačeńnia daroh na adnym uzroŭni moža pryvieści da ŭźniknieńnia zatoraŭ. Zahruzka tut moža być navat bolšaj, čym ciapier na płoščy Banhałor, — tłumačyŭ vydańniu pradstaŭnik «Minskinžprajekta» Dzianis Hud.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary