Amierykanskija studenty daviedalisia pra historyju stvareńnia Biełaruskaj Narodnaj Respubliki.
25 sakavika vykładčyca Nadzieja Syčuhova praviała adkryty zaniatak u Paŭdniova-zachodnim kaledžy ŭ h. Uinfiłd, štat Kanzas z nahody śviatkavańnia 92-j hadaviny Dnia Voli. Mierapryjemstva było praviedziena ŭ miežach kursu «Historyja i kultura Biełarusi», tematyka zaniatku i data samym cudoŭnym čynam supała z adnym z najvažniejšych dzion u historyi Biełarusi XX stahodździa.
Padčas lekcyi amierykanskija studenty daviedalisia pra historyju stvareńnia Biełaruskaj Narodnaj Respubliki, jaje los, a taksama pra isnavańnie ŭradu BNR, jaki da hetaha času dziejničaje ŭ emihracyi. Studentaŭ ŭraziŭ toj fakt, što jany nieadnojčy mahli bačyć na terytoryi kampusu žanščynu pavažanaha ŭzrostu ŭ elehantnym šerym harnitury, jakaja źjaŭlajecca dziejučym Prezidentam Rady BNR: Ivonku Surviłu. Jana była ŭdzielnicaj raznastajnych mierapryjemstvaŭ, zarhanizavanymi Centram Biełaruskich Daśledavańniaŭ.
Byŭ zrobleny akcent na razumieńnie losavyznačalnaj roli 25 Sakavika dla dalejšaha isnavańnia niezaležnaj dziaržavy Respubliki Biełaruś. Spadarynia Nadzieja raspaviała pra sučasnaje haniebnaje stanovišča hetaha śviata ŭ Biełarusi, brutalnyja pavodziny biełaruskich uładaŭ padčas mitynhaŭ z nahody jaho śviatkavańnia. U jakaści prykłada, jana raspaviała pra svoj asabisty dośvied udziełu ŭ śviatkavańni Dnia Voli, i što tolki, dziakujučy chutkaści jaje noh dy padarunku losu ŭ vyhladzie raptoŭna adčynienych dźviarej padjezdu, jana nie była aryštavanaja śpiecnazam. Hety apoviad vyklikaŭ buru emocyjaŭ i abureńniaŭ z boku studentaŭ.
Paśla byŭ prademanstravany dakumientalny film Uładzimira Arłova i Juryja Chaščavackaha «Dzień Voli». Studenty pahłybilisia ŭ zusim nie znajomuju amierykanskamu ŭspryniaćciu, atmaśfieru padziejaŭ pieršaj suśvietnaj vajny, vir kastryčnickaj revalucyi i ŭmovaŭ abviaščeńnia niezaležnaści BNR. Pabyčyli na svaje ŭłasnyja vočy, jak adbyvajecca śviatkavańnie Dnia Voli na vulicach Minsku.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary