Stan Alaksandra Vučyča stabilny, ale da aktyŭnaj dziejnaści ŭ bližejšy čas jon nie vierniecca
Prezident Sierbii Alaksandr Vučyč prachodzić miedycynskaje abśledavańnie paśla prystupu bolu ŭ hrudziach padčas vizitu ŭ ZŠA. Pa słovach hałoŭnaha kardyjołaha vajskovaha špitala Drahana Dzinčyča, stan palityka ciapier zdavalniajučy, ale jon musić uziać paŭzu ŭ publičnaj dziejnaści.
Prezident Sierbii Alaksandr Vučyč prachodziŭ abśledavańnie ŭ vajskova-miedycynskaj akademii ŭ Białhradzie paśla zdareńnia padčas jahonaha znachodžańnia ŭ ZŠA. Jak paviedamiŭ načalnik upraŭleńnia vajskovaj achovy zdaroŭja, kardyjołah Drahan Dzinčyč, prezident Vučyč adčuŭ mocny bol u hrudziach. Pavodle Dzinčyča, paśla pryjomu lekaŭ i praz 45 chvilin paśla zdareńnia cisk Vučyča byŭ 165 na 98, što śviedčyć pra toje, što pierad užyvańniem miedykamientaŭ jon byŭ jašče vyšejšy.
Amierykanskija daktary akazali ŭsiu nieabchodnuju dapamohu, ale, niahledziačy na ich rekamiendacyi, Vučyč pryniaŭ rašeńnie viarnucca ŭ Sierbiju. Paśla pryziamleńnia ŭ Białhradzie ŭ 13:00 jon nie vykazvaŭ skarhaŭ.
Dzinčyč padkreśliŭ, što za apošnija 10 hadoŭ Vučyč niekalki razoŭ sutykaŭsia z prablemami vysokaha cisku, ale nivodzin z prystupaŭ nie byŭ takim mocnym, jak apošni. Zaraz jaho stan stabilny i zdavalniajučy, adnak, pavodle daktaroŭ, jon nie vierniecca da zvykłaha pracoŭnaha rytmu na praciahu najbližejšych dzion.
Ci pajedzie Vučyč paśla zdareńnia na parad u Maskvu, pakul nie paviedamlałasia.
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
i po łacinie , bo nie wiem , czy dobrze przetłumaczę na język białoruski : Nieobecny nie ma racji. Absentes non recte. Pahetamu treba jechać .