U biełaruskich kramach źjaviŭsia pradukt «Dubaj». Padobny da maroziva, ale nie zusim jano
U Biełarusi źjaviŭsia novy zamarožany desiert pad nazvaj «Dubaj». Jon užo pradajecca ŭ minskich kramach, i žurnalisty Blizko.by vyrašyli jaho pakaštavać.
Nazva «Dubaj» nie vypadkovaja — apošnim časam u śviecie staŭ modnym dubajski šakaład z chrumstkaj fistaškavaj načynkaj. Na hetaj chvali papularnaści i źjaviŭsia biełaruski desiert z padobnaj idejaj, choć sam šakaład u jaho skład nie ŭvachodzić.
Aficyjna pradukt nazyvajecca nie marozivam, a «zamarožanym fistaškavym desiertam u hłazury». U skład desiertu ŭvachodziać małako, vada, hłazura z kakosavym i rapsavym alejem, cukar, fistaški, kunžut i inšyja kampanienty. A asobna zhadvajecca absmažanaje ciesta «Kataifi», u jakim taksama jość fistaški. Hetaje ciesta časta vykarystoŭvajuć va ŭschodnich desiertach, jano nahadvaje tonkija nitki.
Adnosna smaku mierkavańni žurnalistaŭ akazalisia roznymi.
Niekatorym desiert vielmi spadabaŭsia — jany adznačyli nasyčany fistaškavy smak, cikavuju teksturu i pryjemnaje chrumścieńnie ciesta. Adznačałasia, što desiert niezvyčajny, smačny i jon «navinka, jakuju chočacca kupić znoŭ».
Inšyja krytykavali za pradukt za zališniuju tłustaść i niepryjemny prysmak, kamuści nie spadabałasia «chimičnaść» hłazury, a chtości zusim nie adčuŭ smaku samoha marožanaha.
Byli i niejtralnyja vodhuki — desiert nie vyklikaŭ zachapleńnia, ale spadabaŭsia svajoj aryhinalnaściu.
Biełaruska raspačała čelendž: vydatkoŭvać na ježu tolki $20 na miesiac. Što atrymałasia?
U śviecie deficyt fistašak — usio praz modny desiert
Śledam za dubajskim šakaładam u Biełaruś prychodziać «aniolskija vałasy»
«Ludzi chočuć kłasičnaje. Navošta prydumvać inšaje?» Biełaruska ŭ Varšavie piače torty i pirožnyja sa smakam, jak u dziacinstvie
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
Ili chotia by eskimo «Mołočnyj mir» v šokoładnoj hłazuri iz ślivočnoho masła.