Avijakampanija Belavia časova budzie vykonvać rejsy ŭ novy, mała kamu viadomy horad u Turkmienistanie — Bałkanabat. Hetaja źmiena — časovaja zamiena zvykłaha maršrutu ŭ horad Turkmienbašy, bo miascovy aeraport zakryty na ramont.
Pieršy rejs ź Minska zapłanavany na 20 maja ŭ 23:50, prybyćcio ŭ Bałkanabat — u 06:05 pa miascovym časie. Zvarotny rejs — 21 maja ŭ 06:55, prylot u Minsk — u 09:15. Čas u palocie — 4 hadziny 20 chvilin. Košt kvitka — ad 874 biełaruskich rubloŭ (pryblizna 258 jeŭra) ŭ adzin bok.
Pryčyna źmieny maršrutu — rekanstrukcyja aeraporta Turkmienbašy ŭ miežach padrychtoŭki da kanfierencyi AAN dla krain biez vychadu da mora, jakaja projdzie ŭ žniŭni ŭ kurortnaj zonie Avaza.
Bałkanabat (u minułym — Niebit-Dah) — horad z nasielnictvam kala 140 tysiač čałaviek, raźmieščany za 155 km ad Turkmienbašy, na zachadzie Turkmienistana. Jaho novy mižnarodny aeraport adkryŭsia 2 maja 2025 hoda i moža absłuhoŭvać da 100 pasažyraŭ u hadzinu. Adsiul vykonvajucca rejsy va ŭnutranyja harady krainy: Ašhabat, Turkmienabat, Dašahuz i Mary.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva3
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary