Piensijanierka chacieła zabiaśpiečyć sabie biaźbiednuju staraść, ale zamiest hetaha straciła 230 tysiač rubloŭ
67-hadovaja žycharka Minska chacieła zarabić na biržy, ale zamiest hetaha straciła ŭsio: źbieražeńni, pazyčanyja hrošy i vyručku ad prodažu kvatery.
Historyja pačałasia ŭ studzieni, kali piensijanierka ŭbačyła rekłamu «zarobku dla pažyłych». Jana pakinuła svaje kantakty, paśla čaho ź joj źviazalisia «biržavyja analityki». Tyja zapeŭnivali, što dapamohuć asvoić śviet inviestycyj i za karotki čas pamnožyć kapitał. Žančyna bieź lišnich pytańniaŭ vykonvała ŭsie instrukcyi.
Pastupova jana pieraličyła machlaram kala 230 tysiač rubloŭ. Siarod hetaj sumy — 70 tysiač rubloŭ, pazyčanych u znajomych, i 40 tysiač dalaraŭ, atrymanych ad prodažu kvatery. U peŭny momant piensijanierka navat raspaviała synu, što ciapier finansava piśmiennaja i zabiaśpiečyła sabie staraść. Ale jon zasumniavaŭsia i nastajaŭ na zvarocie ŭ milicyju.
Na dopycie žančyna raspaviała, što nie sumniavałasia ŭ pośpiechu «ździełak» i była ŭpeŭnienaja, što padvoiła svoj układ. Ale schiema akazałasia machlarskaj.
Zaviedzienaja kryminalnaja sprava pa č. 4 art. 209 Kryminalnaha kodeksa Respubliki Biełaruś.
Kamientary