Za maj 2025 hoda miedyjanny zarobak u Biełarusi skłaŭ 2014 rubloŭ. Heta na 19,3% bolš, čym u tym ža miesiacy letaś (1688 rubloŭ), vynikaje sa statystyki Biełstata.
Samy vysoki pakazčyk zafiksavany ŭ śfiery hornazdabyŭnoj pramysłovaści — 4376,6 rubla. U piaciorku taksama ŭvajšli:
- dziejnaść pavietranaha transpartu — 3964 rubli;
- infarmacyja i suviaź — 3540,1 rubla;
- dziejnaść trubapravodnaha transpartu — 3117,7 rubla;
- aptovy i roźničny handal aŭtamabilami, matacykłami i ich ramont — 2932,4 rubla.
Najmienšy miedyjanny zarobak zafiksavany ŭ nastupnych śfierach:
- akazańnie inšych vidaŭ pasłuh — 1416,6 rubla;
- tvorčaść, sport, zabavy i adpačynak — 1382,4 rubla;
- paštovaja i kurjerskaja dziejnaść — 1439,4 rubla;
- adukacyja — 1520,2 rubla;
- rybałoŭstva i rybavodstva — 1544,3 rubla.
Miedyjanny zarobak — heta suma, jakaja dzielić usich rabotnikaŭ na dźvie roŭnyja častki: pałova atrymlivaje mienš za jaje, pałova — bolš. U adroźnieńnie ad siaredniaha zarobku, jon lepš adlustroŭvaje realny ŭzrovień dachodaŭ, bo mienš zaležyć ad krajnich značeńniaŭ i dapamahaje acanić sacyjalnuju niaroŭnaść.
Dla paraŭnańnia: siaredni (naminalny naličany) zarobak u mai skłaŭ 2652 rubli — taksama amal na 20% bolš, čym hod tamu (2219 rubloŭ).
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary