Plažy pa ŭsim śviecie mohuć źniknuć z-za erozii ŭźbiarežžaŭ, piša vydańnie Financial Times.
Razbureńnie bierahoŭ adbyvajecca praz toje, što ziamla pastupova zmyvajecca moram abo akijanam. Heta naturalny praces, ale jaho paskarajuć štormy, vialikija prylivy i rost uzroŭniu mora, źviazany z hłabalnym paciapleńniem i aktyŭnym rastavańniem ledavikoŭ.
U roznych krainach — ad ZŠA da Ispanii i Aŭstralii — ułady šukajuć sposaby, jak zachavać uźbiarežžy. Naprykład, u amierykanskim horadzie Rodant (Paŭnočnaja Karalina) za apošnija hady mora ŭžo «źjeła» 11 damoŭ, i štohod tam źnikaje da 4,5 mietraŭ plažu. Na jaho adnaŭleńnie spatrebicca kala $40 miljonaŭ.
U Barsiełonie štohod źnikaje 30 tysiač kubamietraŭ piasku — heta prykładna 12 alimpijskich basiejnaŭ. Situacyju paharšajuć bury i zabudova ŭzdoŭž uźbiarežža. Ekśpierty papiaredžvajuć: navat pry pryniaćci mieraŭ niekatoryja plažy mohuć źniknuć nazaŭsiody.
Kala 10% usiaho nasielnictva Ziamli žyvie ŭ miežach 5 kiłamietraŭ ad mora, tamu strata plažaŭ moža vyklikać surjoznyja nastupstvy.
Akramia taho, pad pahrozaj znachodzicca i najbujniejšaja karałavaja sistema ŭ śviecie — Vialiki Barjerny ryf kala Aŭstralii. Jon stračvaje karały praz pavyšeńnie tempieratury vady i parušeńnie simbijozu z vodaraściami, što vyklikaje ich abieskolervańnie.
Rasijskija turysty znajšli na plažy ŭ Tajłandzie vanity kašałota. Jany kaštujuć šalonyja hrošy
U Šatłandyi školnik znajšoŭ na plažy abłomki karabla XVIII stahodździa
Raskošny paŭnočnakarejski kurort dla zamiežnikaŭ zakryŭsia praz try tydni paśla adkryćcia
Vyznačyŭsia pieramožca konkursu na najlepšy biełaruski plaž
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary