U Prydniastroŭi mahli rabić drony ź biełaruskaha škłovałakna praz češskuju kampaniju
Češskaja kampanija Labara SRO zakupiła škłovałakno na biełaruskim pradpryjemstvie «Połack-Škłovałakno» i pastaŭlała jaho na zavod Moldavizolit u Tyraspali (Prydniastroŭje). Ułady Małdovy i Rumynii padazrajuć, što hetaja syravina mahła vykarystoŭvacca dla vyrabu dronaŭ abo inšaj vajskovaj techniki, bo zavod u Tyraspali maje adpaviednyja mahčymaści, piša «Radyjo Svaboda».
U 2024 hodzie rumynskaja mytnia zatrymała 10 hruzavikoŭ z hetaj pradukcyjaj na sumu 3 miljony jeŭra i raspačała spravu ab falsifikacyi dakumientaŭ. Pavodle rumynskich mytnikaŭ, dakumienty vyhladajuć padazrona, a sam hruz moža mieć vajskovaje pryznačeńnie. Asablivuju ŭvahu pryciahnuła toje, što Biełaruś znachodzicca pad mižnarodnymi sankcyjami.
Małdaŭski ŭrad užo raniej zajaŭlaŭ, što zavod Moldavizolit, siarod inšych pradpryjemstvaŭ Prydniastroŭja, bolš nie maje prava na ekspart ź mierkavańniaŭ biaśpieki, bo moža vyrablać pradukcyju padvojnaha pryznačeńnia. Advakaty ž zajaŭlajuć, što hety zavod nibyta vyrablaje tolki lifty, a škłovałakno nie maje nijakaha dačynieńnia da vajskovych patreb.
Ciapier sprava razhladajecca ŭ sudzie, dzie baki spračajucca nakont pryznačeńnia hruzu i zakonnaści jaho pastavak.
Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč
Łukašenka buduje sakretny zavod pa vytvorčaści dronaŭ u Minsku
Pucin zajaviŭ pra pieravahu prydumak rasijskich samatužnikaŭ nad uzbrajeńniem NATA
Ukraina atakavała vajskovy zavod u Čuvašyi, jaki robić kampanienty dla «šachiedaŭ» i rakiet «Iskander»
Kamientary