Lidary ES dałučacca da pieramovaŭ Trampa i Zialenskaha ŭ Biełym domie
U paniadziełak u Vašynhtonie adbuducca pieramovy pamiž prezidentam Ukrainy Uładzimiram Zialenskim i prezidentam ZŠA Donaldam Trampam, u jakich taksama voźmuć udzieł kiraŭnica Jeŭrakamisii Ursuła fon der Lajen i šerah jeŭrapiejskich lidaraŭ.
Fon der Lajen paviedamiła, što sustrenie Zialenskaha ŭ Brusieli ŭ niadzielu paśla abiedu i razam ź im vylecić u ZŠA. Jana adznačyła, što ŭdzieł u pieramovach prymaje pa prośbie ŭkrainskaha prezidenta.
Kancler Hiermanii Frydrych Mierc taksama paćvierdziŭ svoj udzieł. Pavodle jaho pradstaŭnika, vizit dazvolić abmierkavać z Trampam situacyju paśla niadaŭniaj sustrečy z Uładzimiram Pucinym na Alascy. U centry pieramovaŭ buduć harantyi biaśpieki, terytaryjalnyja pytańni i padtrymka Ukrainy ŭ supraćstajańni z Rasijaj.
Paźniej taksama stała viadoma, što da pieramoŭ u Biełym domie dałučacca prezidenty Francyi Emaniuel Makron i Finlandyi Alaksandr Stub, premjery Italii i Vialikabrytanii Džordža Miełani i Kir Starmier, a taksama hienieralny sakratar NATA Mark Rute.
U Stuba, Rute i Miełoni skłalisia dobryja asabistyja adnosiny z Trampam.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary