Z 1 vieraśnia ŭ Biełarusi vyraście košt prajezdu pa płatnych darohach. Adpaviednaje rašeńnie zaćvierdžana Ministerstvam transpartu i apublikavana na Nacyjanalnym pravavym internet-partale.
Zdymak ilustracyjny. Fota: Anłajnier
Najbolš prykmietna padaražańnie zakranie ŭładalnikaŭ hruzavikoŭ z masaj bolš za 3,5 tony. Apłata za kiłamietr składzie:
- dla mašyn ź dźviuma vosiami — 0,117 jeŭra (+2,6%);
- z tryma vosiami — 0,146 jeŭra (+2,8%);
- z čatyrma i bolš vosiami — 0,176 jeŭra (+2,9%).
Dla lehkavych aŭto i lohkaha kamiercyjnaha transpartu (da 3,5 tony) košt 15-dzionnaj vińjetki zastaniecca raniejšym — 20 jeŭra. Zatoje 30-dzionnaja padaražeje z 31 da 32 jeŭra, a hadavaja — sa 107 da 110 jeŭra.
Pierahledzieli i štrafy:
- dla lehkavych mašyn razavy štraf za poŭnuju nieapłatu zastaniecca 14 jeŭra;
- dla hruzavikoŭ — pavialičycca z 36 da 37 jeŭra;
- za častkovuju apłatu dla ciažkaha transpartu — z 18 da 18,5 jeŭra.
Papiaredniaje pavyšeńnie cenaŭ na płatnych darohach adbyvałasia ŭ vieraśni minułaha hoda.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary