U pačatku žniŭnia stała viadoma, što Anastasija ź Viciebska naradziła ŭ mašynie pa darozie ŭ radzilniu. Ciapier stali viadomyja padrabiaznaści niezvyčajnaha vypadku, piša «Anłajnier».
U radzilniu Anastasiju vioz muž. U niejki momant mužčyna spyniŭsia kala mašyny milicyi i paprasiŭ dapamohi: na rachunku była kožnaja chvilina. Ale navat z «mihałkami» dabracca svoječasova nie paśpieli — pa šlachu pryjšłosia zrabić ekstranny prypynak. U vyniku chłopčyk naradziŭsia prosta ŭ mašynie.
Niadaŭna ŭ intervju telekanału ANT siamja Vałasač raskazała padrabiaznaści niezvyčajnaj historyi. Akazałasia, što ŭ siamji ŭžo vychoŭvajuć traich synoŭ, tamu mama Anastasija była ŭpeŭnienaja: jana dakładna zrazumieje, kali pryjdzie momant jechać u radzilniu.
Ale z čaćviortym dziciom vyjšła inakš, rody pačalisia na dva tydni raniej naležnaha terminu.
«Zrabiła z ranicy svaje spravy, zabrała dziaciej z łahiera, pryjechała dadomu. Trošački paciahnuŭ žyvot, ale ŭsio-taki čaćviortaje dzicia, užo viedaju hetyja adčuvańni. Da hałavy navat nie mahła pryjści dumka, što pačynajecca praces źjaŭleńnia małoha na śviet!»
Muž Viačasłaŭ, pa słovach Anastasii, niekalki razoŭ prapanoŭvaŭ pierastrachavacca i pajechać da doktara. Ale žonka ŭsio ž vyrašyła dać sabie čas i pačakać da viečara. A voś kali žyvot paciahnuła druhi raz, zrazumieli, što ŭsio ž para, i pajechali ŭ radzilniu na svajoj mašynie. Ale situacyja chutka nabyła niespadziavany chod: aŭto trapiła ŭ korak, a ŭ žančyny tym časam pačalisia schvatki.
Mienavita ŭ hety momant Viačasłaŭ i źviarnuŭsia da supracoŭnikaŭ milicyi z prośbaj pra dapamohu — dalej Mazda Viačasłava i Anastasii supravadžali z «mihałkami». Ale raptam na ažyŭlenym skryžavańni aŭto pary spyniłasia. Čaćviortaha syna Anastasija naradziła prosta na zadnim siadzieńni ŭłasnaj mašyny.
Siłaviki tut ža vyklikali chutkuju dapamohu, ale ŭsio ž vyrašyli nie čakać i jechać u radzilniu. Tam Nastu ź niemaŭlom užo čakali miedyki. Ciapier z chłopčykam i mamaj usio dobra, jany ŭžo doma.
Adznačyła svoj pieršy dzień naradžeńnia samaje niedanošanaje dzicia śvietu
Mikałaj-Aciła, Brydžyt-Aŭrelija, Ivan-Čyjemierye. Jakija imiony dla niemaŭlat byli samymi papularnymi ŭ stalicy, a jakija ździvili
U Minsku kolkaść niemaŭlat skaraciłasia na tracinu proci 2020 hoda
20-hadovaja biełaruska pradała svajo niemaŭla ŭ Maskvie
U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho5
Kamientary