Za chabary zatrymali rabotnika bujnoha dziaržpradpryjemstva. Jahonaha papiarednika taksama łavili na chabary
Dniami apieratyŭniki HUBAZiKa zatrymali słužbovuju asobu bujnoha dziaržaŭnaha pradpryjemstva, jakoje zabiaśpiečvaje vytvorčyja patreby viadučych aŭtamabilnych vytvorcaŭ našaj krainy i blizkaha zamiežža, paviedamlaje pres-słužba MUS.
U 2021 hodzie na miescy złačynstva pry atrymańni chabaru ŭžo zatrymlivaŭsia adzin z kiraŭnikoŭ nazvanaha pradpryjemstva.
Naznačany na vakantnuju pasadu jaho namieśnik praciahnuŭ dziejnaść papiarednika, raźličvajučy, što pryniatyja im miery kanśpiracyi dapamohuć paźbiehnuć adkaznaści. Adnak adklučeńnie mabilnych telefonaŭ, abmierkavańnie złačynnych płanaŭ i atrymańnie chabaru pa-za miežami nie dapamahło, zaznačajuć u milicyi.
Pa miescy jaho žycharstva vyjaŭlenyja i kanfiskavanyja hrašovyja srodki i materyjalnyja kaštoŭnaści. Suma niezakonnaha ŭznaharodžańnia vyličvajecca miljonami rasijskich rubloŭ.
Zaviedziena kryminalnaja sprava za chabarnictva. Fihurant źmieščany ŭ SIZA. Jamu pahražaje da 10 hadoŭ pazbaŭleńnia voli.
Kamientary