Biełarus chacieŭ nielehalna pravieźci praź miažu nasieńnie ciulpanaŭ, ciapier moža stracić mašynu
49-hadovy hramadzianin Biełarusi sprabavaŭ pieravieźci praź miažu z Polščaj partyju cybulin ciulpanaŭ koštam kala 2,5 tysiačy rubloŭ. U punkcie propusku «Kazłovičy» jon zajaviŭ mytnikam, što ničoha zabaronienaha abo abmiežavanaha pry sabie nie maje, ale heta akazałasia nie tak, paviedamlaje Dziaržaŭny pamiežny kamitet.
Aŭtamabil Iveco pravieryli z dapamohaj skaniera, paśla čaho nakiravali na padrabiazny dahlad. Tam mytniki znajšli 550 cybulin ciulpanaŭ — pradukcyju z vysokaj fitasanitarnaj ryzykaj. Jaje schavali ŭ tajnikach kabiny: za panellu pryboraŭ, pad siadzieńniami i dekaratyŭnymi nakładkami.
U vyniku tavar i hruzavik 2023 hoda vypusku koštam kala 440 tysiač rubloŭ byli kanfiskavanyja.
Bresckaja mytnia raspačała administracyjny praces pa art. 15.1 KaAP. Mužčynu pahražaje štraf da 30 bazavych vieličyń i kanfiskacyja schavanaha tavaru razam z transpartam.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary