Vašynhton nie rychtujecca da źmieny režymu ŭ Vieniesuele, zajaviŭ prezident ZŠA Donald Tramp na fonie paviedamleńniaŭ ab tym, što ZŠA vyrašyli raźmiaścić na aeradromie ŭ Puerta-Ryka ŭ Karybskim mory 10 źniščalnikaŭ F-35 dla praviadzieńnia apieracyj suprać narkakartelaŭ, piša Bi-bi-si.
U piatnicu adzin z žurnalistaŭ spytaŭ Trampa ŭ Biełym domie, chacieŭ by toj źmieny režymu ŭ Vieniesuele.
«My pra heta nie havorym», — adkazaŭ prezident ZŠA. «Ale my havorym pra toje, što ŭ [Vieniesuele] prajšli vybary, jakija, miakka kažučy, byli vielmi dziŭnymi», — Tramp, majučy na ŭvazie prezidenckija vybary letaś i abvinavačvańni ŭ falsifikacyi vynikaŭ.
Telekampanija CNN śćviardžaje, spasyłajučysia na krynicy, što Tramp razhladaje mnostva varyjantaŭ naniasieńnia vajennych udaraŭ pa narkakartelach, jakija dziejničajuć u Vieniesuele, uklučajučy mahčymuju parazu celaŭ unutry krainy ŭ ramkach bolš šyrokaj stratehii, nakiravanaj na pasłableńnie prezidenta krainy Nikałasa Madury.
U aŭtorak ZŠA nanieśli ŭdar pa sudnie ŭ mižnarodnych vodach, jakoje, jak zajaviŭ Tramp, pieravoziła narkotyki ŭ paŭdniovaj častcy Karybskaha mora. Zahinuli 11 čałaviek, sudna zatanuła.
Krynicy CNN raspaviali, što ŭdar pa sudnie, jaki ruchaŭsia ź Vieniesueły, byŭ tolki pačatkam «značna bolš maštabnych namahańniaŭ pa zbavieńni rehijonu ad narkatrafiku i patencyjnamu adchileńniu Madury ad ułady».
Jak udakładniła adna z krynic, pakul niama nijakich prykmiet taho, što Tramp užo pryniaŭ rašeńnie nanieści vajennyja ŭdary pa celach unutry Vieniesueły. Adnak dva surazmoŭcy ź Biełaha doma nie vyklučyli mahčymaści padobnych udaraŭ u budučyni.
***
Prezidenckija vybary ŭ Vieniesuele prajšli ŭ lipieni minułaha hoda. Nacyjanalnaja vybarčaja rada Vieniesueły abviaściła, što prezidenckija vybary ŭ krainie vyjhraŭ dziejny kiraŭnik krainy Nikałas Madura z 51,2% hałasoŭ. Kandydat ad apazicyi, 74-hadovy Edmunda Hansales 44,2% hałasoŭ.
Apazicyja z vynikami nie pahadziłasia. Sabranyja joj danyja pakazali, što Hansales sabraŭ 2/3 hałasoŭ, vyjhraŭšy 38 pracentaŭ u Madura, nabraŭšy 7,3 miljona hałasoŭ suprać 3,3 miljona hałasoŭ. ZŠA vypuścili zajavu, u jakim nazvali Edmunda Hansalesa zakonnym pieramožcam vybaraŭ. U Jeŭropie damovilisia nie pryznavać abrańnie Madura prezidentam Vieniesueły.
Potym Edmunda Hansales pakinuŭ krainu, paprasiŭšy prytułku ŭ Ispanii.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon10
Kamientary
Maskirujet provały na ukrainskom napravlenii, na indijskom napravlenii, na kitajsko-rośsijskom napravlenii.
Opasno to, čto politika Trampa v otnošienii svoich sojuźnikov niepriedskazujema, niepostojanna, čieho stoit razmachivanije dubinoj v vidie tarifov k Kanadie, Jevropie, Japonii, takoho podchoda niet ni k Kitaju, ni k Rośsii.
Iz-za niepriedskazujemosti i otsutstvija poniatnoj stratiehii v hieopolitikie, Tramp dobiłsia, kak minimum niedovierija k SŠA s storony vsieho Mira, nikto, tiepieŕ, nie uvierien, čto SŠA budut vypołniať vziatyje na siebia mieždunarodnyje obiazatielstva i dohovora.
Pravda, poka, niet uvieriennosti i dovierija k Kitaju, no, u Kitaja jesť 3 hoda, čtoby pokazať svoju dohovorosposobnosť, nadiožnosť, rassuditielnosť i mudrosť, na fonie kriendielej i kłounady SŠA v licie Trampa.