Sustrelisia ministry zamiežnych spraŭ Polščy i Kitaja. Pa prośbie kitajskaha boku zajavaŭ dla presy nie było
Ministr zamiežnych spraŭ Polščy Radasłaŭ Sikorski pravioŭ sustreču sa svaim kitajskim kaleham Van I. Sustreča adbyłasia 15 vieraśnia ŭ pradstaŭničym centry Minabarony ŭ Chielanovie pad Varšavaj.
Baki abmierkavali ekanamičnyja adnosiny Polščy i Kitaja, padkreśliŭšy patrebu ŭ bolš zbałansavanym supracoŭnictvie za košt rost polskaha ekspartu, paviedamlaje MZS Polščy.
Akramia taho, razhladalisia pytańni adnosin Jeŭrasajuza i Kitaja paśla apošniaha samitu, mižnarodny paradak na asnovie Statuta AAN, biaśpieka va Uschodniaj Jeŭropie i Uschodniaj Azii, a taksama adnosiny Kitaja i ZŠA.
Radasłaŭ Sikorski taksama źviarnuŭ uvahu na dziejańni Rasii va Ukrainie i na miažy ź Biełaruśsiu, padkreśliŭšy rolu Kitaja ŭ padtrymcy miru i mižnarodnaj biaśpieki.
Paśla zakančeńni sustrečy Sikorski i Van I nie rabili publičnych zajaŭ, nibyta pa prośbie kitajskaha boku.
Polšča ŭnačy z 11 na 12 vieraśnia zakryła miažu ź Biełaruśsiu ŭ adkaz na hibrydnyja ataki i pravakacyi Minska. Heta vialiki vyklik dla Piekina: handal Kitaja ź Jeŭrasajuzam u značnaj stupieni idzie praź biełaruskija transpartnyja kalidory.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary