Biełarusku, jakaja zapuskała dron nad uradavymi budynkami ŭ Varšavy, zrabili śviedkaj i adpuścili
17‑hadovuju biełarusku, zatrymanuju za zapusk drona ŭ Varšavie, dapytali jak śviedku i adpuścili, piša Gazeta Wyborcza.
21‑hadovaha hramadzianina Ukrainy, jaki 15 vieraśnia kiravaŭ dronam nad uradavymi budynkami i Bielviederam u Varšavie, palicyja abvinavaciła ŭ parušeńni avijacyjnaha zakanadaŭstva i pieradała Pamiežnaj słužbie z chadajnictvam ab departacyi.
Chłopiec moža być asudžany da piaci hadoŭ pazbaŭleńnia voli.
17‑hadovuju biełarusku, jakaja, jak paviedamlałasia, pryjechała ŭ Polšču ŭsiaho za niekalki dzion da zdareńnia, dapytali jak śviedku i adpuścili.
Małady čałaviek žyŭ u hetaj krainie ŭžo 8 hadoŭ.
Incydent adbyŭsia ŭ paniadziełak, 15 vieraśnia.
Biełarusku i ŭkrainca zatrymali ŭviečary 15 vieraśnia ŭ varšaŭskim parku Łazienki. Dron jany zapuskali nad uradavymi budynkami i adnoj z rezidencyj prezidenta — pałacam Bielvieder. Supracoŭniki słužby biaśpieki z dapamohaj śpiecabstalavańnia prymusili aparat viarnucca ŭ avaryjnym režymie da apierataraŭ.
Śledstva šukała ślady mahčymych kantaktaŭ z zakazčykam. Adnak nie vyklučała, što heta zvyčajnyja turysty.
U Polščy ź mierkavańniaŭ biaśpieki paloty dronaŭ nad uradavymi budynkami i inšymi abjektami krytyčnaj infrastruktury zabaronienyja. Na takich abjektach ustanoŭlenyja adpaviednyja tablički. Kožny apieratar drona, jaki maje licenziju, u śpiecyjalnym dadatku moža pravieryć, dzie dazvolena, a dzie zabaroniena lotać. Kožny palot nieabchodna zarehistravać praz mabilny dadatak DroneTower — aficyjnuju prahramu Polskaha ahienctva pavietrapłavańnia.
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila VIDEA
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary