Na biełaruskich aŭtazapraŭkach sprabujuć pieravychavać kiroŭcaŭ, jakija pryjechali nie tolki pa paliva, ale i pa kavu.
Adzin z karystalnikaŭ Treds vykłaŭ fotazdymak z zapraŭki «Biełarusnafty». Tam apieratyŭna paviesili napamin: «Paśla zaviaršeńnia zapraŭki prosim vas vyzvalić paliŭnuju kałonku, pieramiaściŭšy aŭtamabil na śpiecyjalnuju parkoŭku. Heta dazvolić vam bieź śpieški ździejśnić pakupki».
Druhi sfatahrafavaŭ anałahičnuju abjavu — taksama na kałoncy «Biełarusnafty»: «Pavažanyja klijenty! Da naviedvańnia kafe i pakupak u kramie vyzvalicie kałonku dla inšych kiroŭcaŭ».
Šoŭmien Dzianis Kurjan sfatahrafavaŭ takuju samuju abviestku na kavamašynie na zapraŭcy.
Jašče adna žančyna prademanstravała, što razam z čekam atrymała papierku: «Paśla zapraŭki vyzvalicie kałonku dla inšych aŭtamabilaŭ. Zapraŭlajciesia biez čarhi praz dadatak Biełarusnafta».
Darečy, raniej «Biełarusnafta» ŭ svaich sacsietkach vielmi aktyŭna ramantyzavała ideju taho, jak cudoŭna pić kavu na AZS. Voś, naprykład, typovy pasył adnaho z rolikaŭ: «Ludzi, jakija pjuć kavu na zapraŭkach, ščaśliviejšyja za tych, chto siadzić u darahich restaranach».
Ciapier ža ŭ sacsietkach kampanii źjavilisia zusim inšyja roliki — u ich nahadvajuć pra praviły etykietu na AZS.
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
Za kavu aštrafujuć? Jak prachodziać rejdy na zapraŭkach
Kubrakoŭ sabraŭ terminovuju naradu ź milicejskimi načalnikami, kab razabracca z tymi, chto pje kavu na AZS
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam10
Kamientary