Administracyja Donalda Trampa tajemna pracuje razam z Rasijaj nad raspracoŭkaj novaha płana pa spynieńni vajny va Ukrainie. Płan ZŠA składajecca z 28 punktaŭ i natchniony paśpiachovymi namahańniami Trampa pa ŭrehulavańni ŭ Hazie. Pra heta paviedamili vydańniu Axios amierykanskija i rasijskija aficyjnyja asoby.
Pavodle infarmacyi vydańnia, płan składajecca z 28 punktaŭ, padzielenych na čatyry asnoŭnyja błoki: mir va Ukrainie, harantyi biaśpieki, biaśpieka ŭ Jeŭropie, budučyja adnosiny ZŠA z Rasijaj i Ukrainaj. Padrabiaznyja jaho detali nie paviedamlajucca. Zhodna ź viersijaj vydańnia, płan z 28 punktaŭ natchniony paśpiachovymi namahańniami Trampa pa ŭrehulavańni ŭ siektary Haza.
Kiraŭnictvam raspracoŭki płana zajmajecca pasłańnik Trampa Styŭ Uitkaf, jaki aktyŭna abmiarkoŭvaje jaho z rasijskim pasłańnikam Kiryłam Dźmitryjevym, piša vydańnie.
Dźmitryjeŭ, jaki ŭznačalvaje suvierenny fond Rasii, zajaviŭ Axios, što jon aptymistyčna aceńvaje šancy na pośpiech, bo «my adčuvajem, što rasijskaja pazicyja sapraŭdy pačutaja».
Dźmitryjeŭ paviedamiŭ, što pravioŭ try dni ŭ pieramovach z Uitkafam i inšymi členami kamandy Trampa ŭ Majami ŭ kancy kastryčnika.
Pradstaŭnik Biełaha doma zajaviŭ: «Prezident Tramp ličyć, što jość šaniec spynić hetuju biessensoŭnuju vajnu, kali budzie prajaŭlena hibkaść».
Jak paviedamili ŭkrainskija čynoŭniki, Uitkaf abmiarkoŭvaŭ płan z daradcam prezidenta Zialenskaha pa nacyjanalnaj biaśpiecy Rustemam Umieravym na sustrečy ŭ Majami.
«My viedajem, što amierykancy nad niečym pracujuć», — paćvierdziŭ ukrainski čynoŭnik.
Aficyjny pradstaŭnik ZŠA paćvierdziŭ, što Bieły dom pačaŭ infarmavać pra novy płan jeŭrapiejskich čynoŭnikaŭ, a taksama ŭkraincaŭ, i ličyć, što «čas dla hetaha płana dobry».
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
I, čieriez 5-10 let, Ukraina staniet vtorym, skotnym dvorom russkoho mira na zadvorkach Rośsii, kak i skotnyj dvor łukašienko