Delehacyja vajskoŭcaŭ ZŠA pryjechała ŭ Kijeŭ abmiarkoŭvać płan spynieńnia vajny va Ukrainie
Hety płan padtrymlivaje Tramp, pišuć amierykanskija ŚMI.
U čaćvier prezident Ukrainy viartajecca ŭ Kijeŭ z rabočaj pajezdki ŭ Turcyju, dzie jon abmiarkoŭvaŭ «aktyvizacyju pieramoŭ». Va ŭkrainskaj stalicy jaho čakaje delehacyja amierykanskich vajskoŭcaŭ na čale ź ministram suchaputnych vojskaŭ Denam Dryskałam, piša BBC.
Delehacyja płanavała abmierkavać «namahańni pa spynieńni vajny» i mahčymuju damovu pa sumiesnaj vytvorčaści dronaŭ, ale sustreča ź Zialenskim pakul nie paćvierdžana.
Usio heta adbyvajecca na fonie hučnaha karupcyjnaha skandału, jaki pryvioŭ da palityčnaha kryzisu va Ukrainie, i adnačasova — šmatlikich paviedamleńniaŭ ŚMI pra mirny płan, raspracavany ŭ Vašynhtonie śpiecpasłańnikam prezidenta ZŠA Donalda Trampa Styvam Uitkafam pry ŭdziele śpiecpasłańnika rasijskaha prezidenta Kiryła Dźmitryjeva.
Płan, jak daviedalisia žurnalisty, šmat u čym zasnavany na maksimalisckich patrabavańniach Maskvy i praduhledžvaje adrazu niekalki pryncypovych sastupak z boku Kijeva.
«Ministr Dryskał razam z kamandaj pryjechali ŭ Kijeŭ <…>, kab sustrecca z ukrainskimi čynoŭnikami i abmierkavać namahańni pa spynieńni vajny», — skazaŭ pres-sakratar armii ZŠA pałkoŭnik Devid Batler.
Dryskał — samy vysokapastaŭleny vajskoviec z administracyi Trampa, jaki naviedaŭ Kijeŭ dla pieramoŭ, — užo sustreŭsia ź ministram abarony Dzianisam Šmyhalom i hałoŭnakamandujučym USU Alaksandram Syrskim.
Pryjezdu Dryskała, piša Wall Street Journal, papiaredničała sustreča na minułym tydni ŭ Majami pamiž Uitkafam i ŭkrainskimi čynoŭnikami, blizkimi da Zialenskaha. Axios paviedamlaŭ, što Uitkaf sustrakaŭsia z sakratarom Savieta nacyjanalnaj biaśpieki i abarony Ukrainy Rustemam Umieravym.
Pa słovach krynicy Axios, Umieraŭ nie zhadžaŭsia z vykładzienymi pazicyjami i zajaviŭ, što va Ukrainy jość piarečańni pa mnohich punktach.
Pa danych Politico, Dryskał płanavaŭ pajezdku va Ukrainu ŭ śniežni, ale na minułym tydni ŭ Biełym domie na śpiešna sklikanaj naradzie Tramp skazaŭ, što ministr suchaputnych vojskaŭ pavinien pakazać Zialenskamu i jaho kamandzie płan, raspracavany ZŠA.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram3
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary