Vialikuju Ajčynnuju vajnu vyjhraŭ narod, a nie Iosif Stalin.
Vialikuju Ajčynnuju vajnu vyjhraŭ narod, a nie Iosif Stalin, ludzi majuć prava dobra stavicca da jaho, ale ź dziaržaŭnaha punktu hledžańnia hienieralisimus ździejśniŭ masu złačynstvaŭ suprać naroda, jakija nielha daravać. U Rasii reniesans stalinizmu niemahčymy, zajaviŭ prezident Rasii Dźmitryj Miadźviedzieŭ.
«Jość absalutna vidavočnyja rečy — Vialikuju Ajčynnuju vajnu vyjhraŭ naš narod, nie Stalin i navat nie vajenačalniki, pry ŭsioj važnaści taho, čym jany zajmalisia. Tak, ich rola była, biezumoŭna, vielmi surjoznaj, ale ŭ toj ža čas vajnu vyjhrali ludzi canoj niejmaviernych namahańniaŭ, canoj žyćcia vielizarnaj kolkaści ludziej», — skazaŭ Miadźviedzieŭ u intervju haziecie «Iźviestija».
Na jaho dumku, rolu Stalina možna aceńvać pa-roznamu.
«Chtości ličyć, što rola Viarchoŭnaha hałoŭnakamandujučaha była nadzvyčajnaj, chtości ličyć, što heta nie tak. Pytańnie nie ŭ hetym, a ŭ tym, jak my ŭ cełym aceńvajem samu postać Stalina. Kali kazać pra dziaržaŭnuju acenku, pra toje, jak aceńvajecca Stalin kiraŭnictvam krainy ŭ apošnija hady, z momantu ŭźniknieńnia novaj rasijskaj dziaržavy, to tut acenka vidavočnaja: Stalin ździejśniŭ bieźlič złačynstvaŭ suprać svajho naroda. I niahledziačy na toje, što jon šmat pracavaŭ, niahledziačy na toje, što pad jaho kiraŭnictvam kraina dasiahała pośpiechaŭ, toje, što było zroblena ŭ dačynieńni da ŭłasnaha naroda, nielha daravać», — ličyć prezident.
-
Uźlot Faradža abudziŭ kielckija nacyi. Anhlijski nacyjanalizm pahražaje razvalić Złučanaje Karaleŭstva
-
Vučyč pryvioŭ u prykład biełaruskuju roŭnaść rehijonaŭ i pastaviŭ Barysaŭ u adzin šerah ź Minskam
-
Ukraina stvoryć Nacyjanalny panteon u Kijeva-Piačerskaj łaŭry. Čym jon budzie adroźnivacca ad aficyjoznaha panteona ŭ Biełarusi?
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki11
Kamientary