Hierainia tabłoidaŭ apošniaha času Łarysa Dolina źniałasia ŭ navahodnim šou na BT
Biełaruskaja śpiavačka Hanna Trubiackaja ŭ svaim instahramie raskazała, što Łarysa Dolina źniałasia ŭ šou «Dobry viečar», jakoje vychodzić na telekanale «Biełaruś 1».
«Da sustrečy ŭ efiry ŭ navahodniuju noč na «Biełaruś 1». Uklučajcie, budzie šmat siurpryzaŭ i pryhožych piesień», — napisała jana.
U žniŭni 2024 hoda Łarysa Dolina pradała svaju maskoŭskuju kvateru za 100 miljonaŭ rasijskich rubloŭ (tady kala miljona dalaraŭ), a hrošy addała ašukancam, a potym navat pazyčała hrošy, kab addać machlaram.
Ale śpiavačka padała ŭ sud, jaki adabraŭ kvateru ŭ sumlennaj pakupnicy Paliny Łurje i viarnuŭ jaje artystcy. Palina zastałasia i biez hrošaj, i biez žylla.
A Dolina patłumačyła svaje pavodziny tak: nie ŭśviedamlała svaich dziejańniaŭ u momant ździełki, była pad upłyvam ašukancaŭ. I sud staŭ na bok śpiavački. Razam z tym sotni, kali nie tysiačy ludziej u Rasii, i dziasiatki ŭ Biełarusi robiać takim ža čynam: pradajuć svaje kvatery, hrošy pieravodziać machlaram.
Kiejs z Łarysaj Dolinaj daŭ padstavy dla mnostva žartaŭ.
«My pad upłyvam jaje pradavali». «Bieła-Koła» ŭvarvałasia ŭ skandał z kvateraj Dolinaj
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary