Z 1 śniežnia Češskaja pošta spyniła pryjom lubych paštovych adpraŭleńniaŭ u Biełaruś. Takaja infarmacyja apublikavanaja na aficyjnym sajcie paštovaj słužby, piša «Radyjo Svaboda».
Biełarusy, jakija žyvuć u Čechii, taksama paviedamlajuć, što adpravić listy ci paštoŭki ciapier niemahčyma: supracoŭniki pošty kažuć, što sistema nie prapuskaje adpraŭleńni, bo Biełaruś zabłakavanaja.
Čechija jašče raniej pryniała šerah abmiežavańniaŭ dla hramadzian Biełarusi i Rasii. U 2022 hodzie, paśla pačatku rasijskaj ahresii suprać Ukrainy, kraina ŭviała zabaronu na vydaču viz i dazvołaŭ na žycharstva spačatku rasijanam, a paźniej i biełarusam. Vyklučeńni mahčymyja tolki ŭ asobnych vypadkach, naprykład, dla siemjaŭ hramadzian ES, dla studentaŭ sa stypiendyjami abo tych, čyj pryjezd adpaviadaje intaresam Čechii.
Sproby damahčysia admieny hetych abmiežavańniaŭ, u tym liku padčas vizitu Śviatłany Cichanoŭskaj u Prahu ŭ 2023 hodzie, vynikaŭ nie dali — zabarony dla biełarusaŭ praciahvajuć dziejničać.
Kamientary
Mnie prichoditsia słať posyłku v Hiermaniju siestrie, a ona šlet dalšie v Biełaruś, v Hiermanii nikakich ohraničienij.