«Spačatku niejkaja dziaŭčyna na mašynie źbiła jaho, potym na jaho naskočyli chłopcy i dali pa hałavie». Choć palicyja zaklikała nie nabližacca da jaho.
Apoŭnačy žychary Koŭna padzialilisia infarmacyjaj ab zatrymańni padazravanaha ŭ ździajśnieńni padvojnaha zabojstva Benasa Mikutavičusa. Jaho łaviŭ uvieś horad, a zatrymali žančyny.
Ludzi ŭ dadatku Zello stvaryli kanał pad nazvaj «Raskime žudiką» (Znojdziem zabojcu). Taki zaklik zacikaviŭ ludziej, paviedamlaje Delfi.lt.
Kala 24:00 žychary Koŭna paviedamili ab zatrymańni padazravanaha na vuł. Kałnieču. Palicyja prainfarmavała Delfi, što heta praŭda. Paviedamlajecca, što ŭ 23.50 hadziny padazravany byŭ zatrymany.
U mabilnym dadatku Zello žychary raspaviali, jak udałosia zatrymać Mikutavičusa. «Usie pačali kryčać, što bačać jaho na AZS Viada, kala restarana. Usie chutka tudy pajechali, pabiehli. I dakładna, heta byŭ jon. Nie viedaju, nakolki heta praŭda,
ale kažuć, što spačatku niejkaja dziaŭčyna na mašynie źbiła jaho, potym na jaho naskočyli chłopcy i dali pa hałavie», — raspaviali ludzi.
U zaplečniku ŭ Mikutavičusa byŭ vialiki nož. U prykładańni taksama dzielacca infarmacyjaj pra toje, što ŭvieś dzień hrupy ludziej patrulavali ŭ rajonie i šukali padazravanaha.
«Kvatery, internaty, zakinutyja parki i budynki. Kali zaŭvažyli padazravanaha, jon kinuŭsia biehčy, pieraskočyŭ praz aharodžu, žančyny złavili i pakłali, vyklikali palicyju», — pišuć u hrupie.
Na miescy zdareńnia adzin udzielnik pošukaŭ raspavioŭ Delfi padrabiaznaści. «Usie dzialilisia, dzie znachodziacca, i niejkaja žančyna skazała, što ŭ hetym parku, na vuł. Kałnieču, zaŭvažyła padazronaha čałavieka ŭ čyrvonaj kurtcy.
Jana pavialičyła temp, mužčyna kinuŭsia biehčy. My taksama tudy pajechali <…>; jon užo lažaŭ na ziamli. Skazali, što ŭ jaho znajšli teleskapičnuju dubinku i nož. Adzin z udzielnikaŭ zatrymańnia atrymaŭ strumień hazu», — raskazaŭ małady čałaviek.
U Facebook dzielacca videa z zatrymańniem padazravanaha. Na pres-kanfierencyi nočču palicyja paćvierdziła, što padazravanaha dapamahli zatrymać žychary. «Z dapamohaj žycharoŭ padazravany byŭ zatrymany, zaraz jon pad aryštam», — skazali palicejskija.
«Palicyja pracavała na toj ža vulicy, u tym ža rajonie. Prosta ludziej było bolš, im bolš pašancavała», — pryznali achoŭniki paradku.
Mikutavičus nie supraciŭlaŭsia, ale sprabavaŭ biehčy. Chadzili čutki, što padazravany adkusiŭ sabie jazyk padčas zatrymańnia, adnak palicyja nie mahła paćvierdzić hetuju infarmacyju, tolki skazała, što jaho ahladali daktary.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3535
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu35
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary