Kłub Nacyjanalnaj chakiejnaj lihi «Bostan Bruinz» zabraŭ 24‑hadovaha abaroncu zbornaj Biełarusi Uładzisłava Kalačonka z draftu admoŭ, kudy raniej jaho vystaviŭ «Dałas Starz», piša «Biełaruski chakiej».
Kalačonak pierajšoŭ u «Bostan» bieź jakoj-niebudź kampiensacyi. U vypadku adsutnaści zajavak jon musiŭ adpravicca ŭ farm-kłub «Dałasa».
U hetym siezonie NCHŁ 23‑hadovy abaronca pravioŭ 11 matčaŭ za «Starz», nabraŭ 3 (1+2) bały i zaviaršyŭ adrezak z pakazčykam karysnaści «+3».
Usiaho ŭ NCHŁ Uładzisłaŭ Kalačonak zhulaŭ 85 matčaŭ, vystupajučy za «Aryzonu», «Jutu», «Pitsburh» i «Dałas». U jaho aktyvie 17 (5+12) bałaŭ.
Kantrakt biełaruskaha abaroncy raźličany da kanca siezona z zarobkam $775 000.
Na dadzieny momant u «Bostana» ŭ łazarecie znachodziacca adrazu čatyry abaroncy, što paŭpłyvała na rašeńnie kłuba ŭzmacnić liniju abarony za košt drafta admoŭ.
«Bostan» z 38 bałami ŭ 33 matčach zajmaje vośmaje miesca va Uschodniaj kanfierencyi NCHŁ.
U hetym siezonie ŭ NCHŁ hulaje, aproč Kalačonka, jašče troje biełarusaŭ: Alaksiej Protas («Vašynhton»), Jahor Šaranhovič («Kałhary»), Arciom Leŭšunoŭ («Čykaha»). Illa Sałaŭjoŭ («Kałarada») i Mikita Tałapiła («Vankuvier») byli adpraŭlenyja svaimi kłubami ŭ ACHŁ.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary