Łukašenka na UNS znoŭ zhadaŭ Pratasieviča: Ciapier užo viadoma, što jon naš čałaviek
Vystupajučy na Usiebiełaruskim narodnym schodzie ŭ čaćvier, Łukašenka zhadaŭ błohiera Ramana Pratasieviča z-za jakoha pasadzili samalot Afiny — Vilnia 23 maja 2021 hoda, paśla čaho byli ŭviedzienyja sankcyi.
«My ŭžo za piać hadoŭ krychu navučylisia žyć va ŭmovach sankcyj, jakija suprać nas uviali. Ja vam nahadaŭ pra toj samalot. Pamiatajecie, kali kazali: «Voś Ramana Pratasieviča schapili, aryštavali, pasadzili samalot, kab jaho aryštavać». Ja što tolki ni rabiŭ, kab im rastłumačyć: «Chłopcy, samalot lacieŭ u Vilniu, jon užo byŭ nad Vilniaj. Dyk sadžajcie jaho ŭ Vilni». Była pahroza vybuchu. Navošta vy raźviarnulisia ź Vilni, zalacieli z poŭdnia i pačali sadžać hety samalot u Biełarusi? Vajennyja dakładvajuć: «Jon naš čałaviek, siadzić tam», — skazaŭ učora Łukašenka.
«Ciapier užo viadoma, što jon naš čałaviek. Ale suprać nas uviali sankcyi. A mnie dakładvajuć. Kažu: «Hospadzi, što ž rabić? Nam ža nie treba, kab jon u Minsku sadziŭsia. Treba ŭ Vilniu». Vajennym kažu: «Padymajcie ŭsie instrukcyi i dziejničajcie stroha pavodle instrukcyj».
Łukašenka ŭčora pierakazaŭ nibyta razmovu za 23 maja 2021 hoda:
«Chrenin kaža: «Treba źniščalnik padymać, supravadžać, raptam što zdarycca?» Kažu: «Padymaj. Treba dva? Dva, try, piać padymajcie, ale kab usio było pavodle instrukcyj». Supravadžali, u chvaście — heta ž materyjały abjektyŭnaha kantrolu. Pasadzili ŭ Minsku, usio zrabili. A potym Ciercielu kažu: «Aryštoŭvaj jaho jak voraha naroda».
Voś apieracyja, u čym byŭ sens. Uviali sankcyi. Dyk vy ciapier paprasicie prabačeńnia i skasoŭvajcie ich. Nie tamu, što tam byŭ naš čałaviek u samalocie, jakoha nam daviałosia aryštavać, a tamu, što vy nie mieli racyju. My ŭsio zrabili pavodle instrukcyj. A voś jakaja była vaša zaduma? My dahetul nie viedajem», — dadaŭ Łukašenka.
Upieršyniu pra toje, što Pratasievič — «naš čałaviek» i «daŭni čałaviek biełaruskaj raźviedki», palityk zajaviŭ 31 kastryčnika.
«Doŭha raskazvać nie budu. Pratasievič — heta supracoŭnik našaj raźviedki. Nam treba było jaho zatrymlivać? A voś pytańnie, čamu jany [rejsam Ryanair] u Vilniu lacieli, tam nie sieli, a raźviarnulisia i ŭ Minsk prylacieli, sieli paśla zvanka, što ŭ ich na borcie tam niejkaja vybuchoŭka… Nu sadziciesia, vy ŭ Vilniu lacieli, nad Vilniaj byli — sadziciesia. Raźviarnulisia, prylacieli ŭ Minsk. Sieli ŭ Minsku. Ja kažu: «Nu što, pravodźcie apieracyju, jon ža pad prykryćciom pracavaŭ hetych źbiehłych. Pravodźcie apieracyju jak naležyć», — zajaviŭ jon.
«Pryjšłosia nam apieracyju pravodzić pa jaho zatrymańni. Chacia nam nie treba było jaho zatrymlivać. Jon pryjechaŭ u Hrecyju, jaho tudy vyklikali, jon davioŭ raźviedčykam usio, što nas cikaviła, atrymaŭ zadańnie i lacieŭ nazad. Tudy, dzie pracavaŭ, praź Vilniu. Nas abvinavacili ŭ tym, što my zatrymali apazicyjaniera. A jon nie naš apazicyjanier. My nie zatrymlivali apazicyjaniera. Voś uviali sankcyi», — skazaŭ Łukašenka 31 kastryčnika, vystupajučy ŭ Lepielskim rajonie.
U sieradu, 17 śniežnia, stała viadoma, što Pratasieviča ŭziali na STB.
Ramana Pratasieviča ŭziali viadoŭcam na STB
Babaryka paśla sustrečy z Pratasievičam trapiŭ u ŠIZA
Šrajbman: Mnie škada Pratasieviča, choć ja byŭ vymušany źjechać z krainy z-za taho, što jon nahavaryŭ pa telebačańni
Ci vierać ludzi, što Pratasievič — ahient raźviedki? Voś reakcyi ŭ sacsietkach
Pratasievič paćvierdziŭ, što jon sapraŭdy raźviedčyk
Łukašenka: Raman Pratasievič — daŭni supracoŭnik biełaruskaj raźviedki
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Terminałohija stalinskich časoŭ .
A dziaržava heta ja !