Z 1 studzienia 2026 hoda ŭ Biełarusi źmienicca paradak ažyćciaŭleńnia vydavieckaj dziejnaści i dziejnaści raspaŭsiudu drukavanych vydańniaŭ.
Tak, z pačatku nastupnaha hoda indyvidualnyja pradprymalniki bolš nie zmohuć zajmacca vydavieckaj dziejnaściu.
Tym nie mienš IP, jakija ŭžo zarehistravanyja jak vydaŭcy ŭ dziaržaŭnym rejestry, mohuć da 31 śniežnia biaspłatna zamianić svaje paśviedčańni ab dziaržaŭnaj rehistracyi na novyja ŭ vypadku stvareńnia imi va ŭstanoŭlenym paradku kamiercyjnaj arhanizacyi, zasnavanaj adnoj asobaj, piša Office Life.
Śpis vidaŭ dziejnaści, zhodna ź jakim dazvolena być IP i samazaniatym, źjaviŭsia ŭ lipieni 2024 hoda, z 1 kastryčnika taho ž hoda rehistracyju novych IP ź vidami dziejnaści, jakija nie ŭvajšli ŭ hety pieralik, spynili.
Pry hetym dla IP u novym hodzie zastaniecca mahčymaść praciahvać handal drukavanymi vydańniami, ale tolki razdrobna.
U viedamstvie taksama źviarnuli ŭvahu, što indyvidualnym pradprymalnikam, zarehistravanym u Dziaržaŭnym rejestry ŭ jakaści raspaŭsiudnikaŭ drukavanych vydańniaŭ, jakija ažyćciaŭlajuć aptovy handal i nie stvaryli kamiercyjnuju arhanizacyju, zasnavanuju adnoj asobaj, nieabchodna nakiravać u Ministerstva infarmacyi adpaviednaje paviedamleńnie ab uniasieńni źmianieńniaŭ u Dziaržaŭny rejestr.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary