Zialenski nazvaŭ 20 punktaŭ mirnaha płana, što abmiarkoŭvajucca z ZŠA
Prezident Ukrainy Uładzimir Zialenski ahučyŭ 20 punktaŭ mirnaha płana, jaki abmiarkoŭvajecca na pieramovach u ZŠA, piša vydańnie «Strana».
- Paćviardžeńnie suvierenitetu Ukrainy.
- Pahadnieńnie ab nienapadzie pamiž Rasijaj i Ukrainaj, manitorynh na linii sudakranańnia.
- Harantyi biaśpieki.
- Kolkaść Uzbrojenych sił Ukrainy — 800 tysiač čałaviek u mirny čas.
- ZŠA, NATO i Jeŭropa daduć Ukrainie harantyi biaśpieki pa prykładzie artykuła 5. U vypadku ŭvarvańnia RF va Ukrainu — vajenny adkaz i adnaŭleńnie sankcyj.
- Rasija zamacuje palityku nienapadzieńnia ŭ dačynieńni da Jeŭropy i Ukrainy va ŭsich nieabchodnych zakonach.
- Ukraina stanie členam ES u vyznačany termin (budzie zafiksavana data ŭstupleńnia).
- Pakiet hłabalnaha raźvićcia, jaki budzie vyznačany ŭ asobnym inviestycyjnym pahadnieńni.
- Budzie stvorana niekalki fondaŭ dla vyrašeńnia pytańniaŭ adnaŭleńnia. Meta — pryciahnuć 800 młrd dalaraŭ.
- Ukraina paskoryć praces zaklučeńnia pahadnieńnia ab svabodnym handli z ZŠA.
- Bieźjadzierny status Ukrainy.
- Zaparožskaja AES. Kampramisu niama. ZŠA prapanujuć trochbakovaje kiravańnie, dzie amierykancy — hałoŭny mieniedžar. Kampramisnaja prapanova Ukrainy: ZŠA i Ukraina — 50 na 50.
- Adukacyjnyja prahramy ŭ škołach, jakija spryjajuć razumieńniu i talerantnaści da roznych kultur, likvidacyi rasizmu i praduziataści.
- Terytoryi. Samy składany punkt. Adzin z varyjantaŭ — RF vychodzić z Dnieprapiatroŭskaj, Mikałajeŭskaj, Sumskaj i Charkaŭskaj abłaściej. U Danieckaj, Łuhanskaj, Zaparožskaj i Chiersonskaj abłaściach — «stajać tam, dzie staim». RF choča, kab Ukraina vyjšła z Danieckaj vobłaści, ZŠA prapanujuć kampramis — svabodnuju ekanamičnuju zonu. Kali nie budzie zhody pa formule «stajać tam, dzie staim», to svabodnaja ekanamičnaja zona moža być pryniataja tolki praz refierendum, i tady na refierendum treba vynosić uvieś dakumient.
- RF i Ukraina abaviazvajucca nie źmianiać damoŭlenaści siłaj.
- Rasija nie budzie pieraškadžać vykarystańniu Ukrainaj raki Dniapro i Čornaha mora dla kamiercyjnaj dziejnaści. Kinburnskaja kasa budzie demilitaryzavanaja.
- Abmien pałonnymi «ŭsich na ŭsich», viartańnie cyvilnych asob, dziaciej i palitviaźniaŭ.
- Ukraina pavinna pravieści vybary jak maha chutčej paśla padpisańnia pahadnieńnia.
- Heta pahadnieńnie budzie jurydyčna abaviazkovym. Jaho vykanańnie budzie kantralavać Saviet miru na čale z Trampam.
- Paśla taho jak usie baki pahodziacca z hetym pahadnieńniem, nieadkładna ŭstupić u siłu poŭnaje spynieńnie ahniu.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud22
Kamientary
Vsie takije płany pišut vdali ot ludiej, dohovarivajutsia za zakrytymi dvieriami.
Formuła takaja
Kak tolkł on čto-to rasskazał pro mir - mira niet.
Jeali on zamołčał - mir vozmožien.