Nieabchodnyja 15 tysiač jeŭra dla mamy Kaciaryny Vadanosavaj sabrali za dva z pałovaj dni
Nieabchodnyja 15 tysiač jeŭra dla maci Kaciaryny Vadanosavaj sabrali za dva z pałovaj dni. Kaciaryna padziakavała za heta i napisała, što siońnia budzie zajmacca biurakratyčnymi pracedurami.
23 śniežnia ŭ mamy Kaciaryny zdaryŭsia insult. Daktary apieratyŭna pryjechali, advieźli ŭ balnicu, praviali apieracyju, Adnak vyśvietliłasia, što Upraŭleńnie pa spravach inšaziemcaŭ nie ŭniesła pažyłuju žančynu ŭ bazu zastrachavanych, a na vialikich vychodnych spraŭdzić hetu akaličnaść było niemahčyma.
Kaciaryna vykazała zaściarohu, što rachunak za apieracyju i inšyja miedycynskija manipulacyi moža skłaści ad dziasiatkaŭ da sotniaŭ tysiač złotych. Taksama mama Kaciaryny była ŭ vielmi kiepskim stanie, padklučana da aparataŭ i nie vyklučana, što pamre.
Paśla taho, jak Vadanosava napisała hety post na sajcie «Bajsoła» źjaviłasia infarmacyja pra dabračynny zbor na €15 000.
- Ekstrannaja dyjahnostyka i pryjom u balnicy — kala €2 000 — €3 000
- Terminovaja apieracyja — €3 000 — €5 000
- Reanimacyja i štučnaja vientylacyja lohkich — €2 500 — €3 000
- Inšyja miedycynskija vydatki — kala €1 500
- Arhanizacyja pachavańnia — kala €3 000
Pa stanie na ranicu paniadziełka sabrana 15 240 jeŭra.
Kaciaryna ŭsim padziakavała i kaža, što siońnia ŭ pieršy pracoŭny dzień musić atrymać chacia b prykładny rachunak, bo nie viedaju, kolki kaštuje ŭsio toje, što rabili i robiać lekary.
«Taksama mušu vybić lekarskaje zaśviedčańnie, kab pieradać jaho advakatcy, jakaja pajedzie spačatku ŭ sud, potym va Ŭžond pa spravach uciekačoŭ (spadziajusia). Ja ŭ hety čas, kali nas jašče nie napatkaje śmierć, pajedu ŭ Akno na Ŭschod— arhanizacyju, jakaja dapamahaje emihrantam. Pasprabuju ź ich dapamohaj damahčysia adkazu na pytańnie, čamu maci nie vyznačanaja ŭ Pietramiedycy jak zastrachavanaja asoba, i jak heta źmianić, bo pa zakonie jana musić być zabiaśpiečanaja. Dzieści na šlachu biurakratyčnaja mašyna zabuksavała, što ŭ tym liku pryviało da toj kropki, dzie my zaraz znachodzimsia», — napisała jana.
«Kali ja daviedajusia, kolki hrošaj spatrebicca dakładna, ja napišu. Kali budzie tak, što strachoŭku-taki adnoviać, i jana pakryje ŭsio, to ja vaźmu tolki troški — na pachavańnie. Astatniaje pojdzie na inšuju dabračynnaść», — dadała Kaciaryna Vadanosava.
Kamientary
Prositiel ubiežiŝa avtomatičieski strachujetsia sruzu pośle podači Zajavlenija o priedostavlenija ubiežiŝa libo v NFZ libo v odnoj iz častnych miedicinskich učrieždienij po dohovoru s Užondom dla sprav cudzoziemcuv. Tak čto vsio budiet normalno. Nado tolko nie opuskať ruki. I 15 000 jevro pojdut na druhije nieotłožnyje nuždy.A to čto kruhom "spłošnyje biurokratičieskije prociedury", k etomu v Polšie nužno privyknuť..... Volność, rub́ so chceš.